Şiir - Renkli zaman

32 Pages·1.899 MB·Gagauz-Turkish

by  Kirioglo Valeriy, Unguränu Olga, Köksal İvanna.

Şiir
Valeriy Kirioglo • İvanna Köksal
Olga Unguränu
Basım - 2010
Valeriy Kirioglo – Şiirleri rus dilindä
yazan avtor. Pietçi, jurnalist, gagauz
yazıcıların birliin azası. Tipardan çıktı
beş şiir kiyadı.
Olga Unguränu
Şiirlerä resimleri çizän avtor.
Hazırladı kendi resim sergilerini
Gagauziyada hem aşırıda.
Resimci, Gagauziyanın resim
galereyasının öndercisi.
İvanna Köksal - Rus dilindän
gagauzçaya şiirleri çevirän avtor.
Filolog, TV spiker -prodüser, 2008-
2012yy. Gagauziyanın Halk Topluşun
Deputatı.
Şiir
1
MATEMATİKA
Bobası İlüşaya deer.- “Tut,
Te, oolum, iki armut,
Üürenersin sän saymaa,
Bir armut ver kardaşına,
Onun da gelsin payına,
Kaç armut kaldı sana ?”
Cuvaplêêr İlüşa bobaya:
-“ Kalacek iki bendä”.
-“Nasıl kalacek iki,
Kardaşına verärsän birini?”
“Yok, bobam, kendim iyecäm,
Kardaşıma bän vermeyecäm”.
Şiir
RENKLİ ZAMAN
Daalıkta kirpiylän bir keret
Karşılaşêr tilki şiret.
Of, kuvetlän bir baardı!
Tilkinin dili yandı.
2
3
Kaz sesli “ga-ga” yaptı
Genadan uyku kaçtı,
Gena düşündü: “bu kaz etli,
Yakışıklı, ama diil terbi edili.
4
Bir kapu evä küser
Gün - gündän o hep aalêêr
Bütün küüyä gıcırdêr
Ev sä erindä durêr.
Joranın var bir zoru
Hiç çözämeer soruşu
İş sa pak bir sakızda
Ani o çiineer derstä.
5
6
EDİ
Dünnedä var bir sayı
O pek ii hem mayıllı
Hepsi onu üürendi
Kaç gün aftada?.. /Edi/
Boyalar göktän aktı
Bir kuşak peydalandı
Kara boya çıkmadı
Kaç renk orada kaldı?../Edi
7
8
DAA ORKESTRASI
İlkyaz yaprakları parkta fışırdêêr
Daayın orkestrası konţert verer
Gerçek yıldızlardan seslär geler
O bülbüllän pupuk bilä ötüşer.
Var katılannarın arasında
Cıvırliga solosunnan çırtmada.
Genç kemençecilerin programında -
Çekirgä kır muzıkasınnan orada.
Şaşılacek incä sestä, daullarda,
Aaçkakandan yok taa ii burada.
Yapraklar fışırdamêêr parkta boşuna,
Açan daa orkestrası musaafirdä.