Table Of Content1
Shiang Pa Riang
Phuk lai in mawh son sang chix tiem, chix
phat ka lai mai son sang tawng
grawng been Cam Lik heue.
Daux Krax Pa Tiem Lai
i ¼ n h k x b
w l e m s y
Y u p t r o g
c S d f v j z
Son Sang Yuh Satix
Krax gau lawk (1) mail lawk krax gau khawm uik
caw tix kieh khaw caw mai been krax gau heue. Mawh
kheu nan sara khan kix caw tix tawng deu pa caw sara tix
yuh (5) ceu jheeng jheeng heue.
Jhak ka pak ngai lai 1 mai 2 heue. Been Krax Gau
kawx caw tix jhak heue. Krax gau pa kwe daux glawg (1)
caw tix gau mai ceu pa caw sara tix yuh heue. Daux krax
gau tang ceu ang lai kwe heue.
Phuk lai, Shiang Pa Riang (1), (2) an chix pon khaing cup
caw _______________________________ heue.
a aw au eu ee u o ie e
ca caw cau ceu cee cu co cie ce
cha chaw chau cheu chee chu cho chie che
da daw dau deu dee du do die de
ka kaw kau keu kee ku ko kie ke
kha khaw khau kheu khee khu kho khie khe
kra kraw krau kreu kree kru kro krie kre
la law lau leu lee lu lo lie le
ma maw mau meu mee mu mo mie me
na naw nau neu nee nu no nie ne
nga ngaw ngau ngeu ngee ngu ngo ngie nge
pa paw pau peu pee pu po pie pe
ra raw rau reu ree ru ro rie re
ta taw tau teu tee tu to tie te
Ngai lai num jah pa kieh lox lang: lox dawt, lox dut, lox
lhaong lih ka ngai lai num lox.
Simin lox lang lox dawt lox dut
1 i ih ix
2 e eh ex
3 ie ieh iex
4 a ah ax
5 aw awh awx
6 au auh aux
7 eu euh eux
8 ee eeh eex
9 u uh ux
10 o oh ox
11 oi oih oix
12 ao aoh aox
13 ai aih aix
Miex Ngai Lai Vax Pa Tiem Ka Cag
K Kh Ng S Sh Ny
k kh ng s sh ny
T Th N P Ph M
t th n p ph m
Y R L V W H
y r l v w h
X C Ch D G
x c ch d g
B F J Z
b f j z
Kawn Ngai Lai Vax Pa Tiem Ka Cag
A E IE AW OI
a e ie aw oi
AO AU AI I O
ao au ai i o
U EE EU
u ee eu
UA
ua
Shiang Pa Riang
Glawg 1
Cao tiem lai :
Kyaw Naing Win, Sam Rong Met,
Ngo Khun Pen, Ai Nap Tao.
Pwi pa teem coi : Robert F. Rice, Julia R. Van Dyken
Pwi yuh riang:
Lox pa jah son phuk lai in mawh in plak greem heue.
Lawg 1-31
1. i,a,n,h,k,x 11. y, ia 21. d, kr
2. b 12. u, iu, Y 22. c, ua
3. aw 13. ai, p 23. oi, ee
4. -n, -k 14. t 24. sh, th
5. l 15. r 25. f, v, j, jh
6. -- 16. o 26. z, g
7. e 17. ng 27. ph, ny
8. -h, -x 18. ie, eu 28. Ngai Lai Ting
9. m 19. ch, kh 29. gr, pr, grh
10. s 20. au, ao, S 30. kl, pl, bl
31. khr, ngh
Copyright © Literacy International, 1996
All Rights Reserved.
Lox Jah
Pwi pa chix phat lai mai pa chix tiem lai kiet kwe bwan
son, ka son ceu cao mai meung hak tiex pa ot ex heue.
Pwi an kix nie lheu tawng grawng been hak tiex mai
pon hawt tix im ju ka daux pa kwe bwan son heue.
Can pwi pa gau sawn ka lai in kix nie lheu chix lai, kix
tak nie lheu tawng grawng been hak tiex, mai pon tawx kra
teem krax coi, mai kix pon rawk bwan ka son meung hak tiex
mai cao giex kaing heue.
Can pwi pa chix phat lai, mawh kheu yao kix tix phat
lai cam lik krax yum rhawm kix nie kaux cong heue.
Ang joeng mawh ngie an sara ceu cao mai kawm ceu
cao khan kix kawx nawh chix pon teem heue.
Daux phuk lai Siyiex kwe yuh nin,
Can ex khawm uik caw tix gaux rhawm daux kaing Siyiex
mai yien yawk tix rawk bwan ka son simiang giex kaing
hak tiex khan kix mai ka son pwi ku ceu heue. Aux khyo
khaw ka pex son sang yaok yaw bwan son Siyiex ka son
kix heue. Grawh grawng nawh ceu pa yuh nan mawh
ceu pa moh Siyiex ka heue. Simiang Siyiex simie tix
kieh pwi khawm uik pon krax taox mai hu ka daux krax pa
kwe alo Naw cao heue. (II Timose 2:1-4)
Kawn Khrit caw tix mawh pwi pa phat Cam Lik ku
ngaix heue. Mawh kheu nan son sang chix phat, chix riem
pwi tang kaux tai ex caw tix teem coi heue. Can kawn Khrit
pa; chix phat lai ku kaux caw tix gau pwi tang kaux chix lai
heue.
2
Mawh kheu nan, ex tix kau lai tix kaux caw tix gau
paox tix phat mai tiem heue. Caw tix teem coi paox tix phat
ka lai Cam Lik heue.
Ex khawm uik tix kaux lai tix kaux caw tix gau paox tix
ka lai heue. Phan yuh nan pwi tak chix phat lai tom nie
heue.
Son sang chix phat kawn Khrit Cam Lik phuk lai
Shiang pa rieng mawh pa jah ti tawx krax gau phao ka heue.
Ka daux lai in kwe (2) baux mai krax gau kwe ka daux
(72) lawk heue. Sara khan kix caw tix hawt gau awm pa kwe
daux been krax gau heue.
Ngai lai ting jah tix gau daux krax gau lawk (28) heue.
Grawng pa shiang mai caim lik ja ti lawk krax gau (12) heue.
Mai jah ti krai pwi mhong ceu kau Yesux heue.
In maw riang rao plak Khwan, son sara yam hoit krax
gau heue. Lawk krax gau (33) mai (34) mawh grawng nam
bat krax gau lai kha nan mai grawng tiem lai hu lai ing heue.
Lawk krax gau (35-46) mawh grawng been pa kwe phuk lai
grawng krax nyawn ot mai grawng sum khaox ox heue.
Lawk krax gau (47-72) mawh grawng been pa kwe daux
phuk lai sigang si heue.
Rawk bwan v kaing jhaw Siyiex v kham Sak Se.
3
Daux Krax Pa Gau Pa Sawn Pa Jiet Mhawm
1. Ah lox ngoik nge ka kix.
Ah lox awn lox tiem ka kix.
2. Paw krai lox haoh lox lheu ka kix.
3. Tawx riang rao ka kix ku bawk ku yam yaok yaw ka kix
heue. Paw song rhawm ka kix kheu krax pa lut kix
heue.
4. Paw vi ah, in ang mawh, “Lut maix in, ang maix tawng ka
in lie?”
5. Viex rhawm awn mai jhi kix yaox krax pa chix caox
rhawm maix ka kix heue. Yuh paox pie mai kix awm
paox si tu, paw viex rhawm lhaong piang kix heue.
6. Paw vi nyah ka pa lut kix, mai paw kieh pwi tang kaux
nyah ka kix heue.
7. Ah nin ka kix, paw khi rhawm, phai pon maix lai gau tix
sax, baox co ca ha.
Pa Caw Sara Tix Hawt Yuh Te Te
Son sang mawh krax gau pa jiet mhawm sara cao gau
caw tix hawt yuh awm pa kwe ka daux “Been Krax Gau” mai
ceu pa caw sara tix hawt yuh (5) ceu heue.
Pa caw sara tix yuh, pa hoit kwe ka daux “Been Krax
Gau” sara cao gau khan kix, phan ang ruk yuh te te, mai
phan ang rien rhawm tix kah, ang tau tix pon gau ka nyawm
cawng kriem kre heue.
Sivoe ang sara nyang gau ka lai pa gau tix nawh caw tix
dha cox khre ka krax pa gau tix mhawm mhawm
heue.
Gau kix ka been krax gau in (5) ceu mai been pa jhi ti
tawng heue.
4
Been Krax Gau
Krax kham sak se mai gau yuh ka mawx?
Pa kwe ka daux phuk lai Grawng pa gau ngai lai in, Kaing
ting kwe loe ceu heue: (1) chix phat lai (2) chix tiem lai (3)
chix kham mhai sak se heue.
A. Kham sakse yuh ka mawx?
1. Rien rhawm ka son sang pon kham sakse
Krax keut krax bak cup pa plih lai in, mawh son sang
tawng kawn nyawm cawng si mex si bon tix phat ka phuk lai
Siyiex son sang haok hwan ting lhaong kix ka plak ju plak
khwan mai son sang kwe riang kix tix kham mhai sakse ka
daux ceu cao heue. Can pa mawh sara cao gau khan kix,
caw tix khre rhawm son sang pon kawn nyawm si mex si bon
tix kham sak se ka ngai lai pa gau tix mhawm mhawm bawk
mawx bawk an heue. Awm pon teem pon coi maix kawn
nyawm cawng chix ngai lai. Viang plak ju plak khwan kawx
caw tix teem coi ka kix son sang mhawm son kix heue. Sara
cao gau mai kawn nyawm cawng caw tix awm paox grawm
heue. Bawk yam mawx ang ah, caw tix phat phuk lai Siyiex
Mai rawk bwan sivoe ang ba jah krax gau krax sawn heue.
Caw tix deuh bawk yam son sang kham mhai sak se heue.
Sara pa ap pong tix gau kawn nyawm khan kix, caw tix
rawk bwan sivoe ang nyang tawx krax gau krax sawn son
sang dha tix khre krax pa im ju tix heue. Sara cao gau caw
tix mawh pa ting ceu ka daux pa kham sak se khaix hoit hoit
krax gau heue. Tiem tix deuh phuk lai Siyiex si min ting si
min iak ka daux lai pa gau tix ngai mawx ngaix an heue.
Sara caw tix phat ka phuk lai Siyiex pa hoit tiem tix deuh ka
daux lai pa gau tix khaix hoit hoit krax gau heue. Phan ang
mawh nan lauk tix phat pa kwe ka daux phuk lai si ngang si
pa khraox mai lai tang dah khan kix heue. Jah tix gau ka
lawg (12) khaix an jah tix jhi kix tawng ceu kaux Yesux heue.
5
Yam pon sa ra bawk yam, jhi kix yaox mai krai mhong
grawng Yesux heue. Yam an kix tak tawng ka Yesux heue.
Phan maix ang jhi kix yaox sak se ti ceu ceu, mawh ngie pa
giex pa going heue. Phan maix ang pon jhi kix yaox sak se
kix ang tau tix doh rhawm, mai krax gau krax sawn heue.
Son sang pon hwet pwi ka Yesux tom nie caw tix pon kham
sak se in loe ceu ka daux pa pon tix bawk yam heue. Yam
jah tix gau ka lai in tawx riang rao ka kix son sang tawng kix
mawh pa yie mai pa fah rhawm nyawm rhawm son kix heue.
Khaix an kix tom tawng mawh pa yie mai chix cu chix nghiet
kheu pa kham sara sak se jeue.
Phan si mie tix yuh SatSaNa lox bwan gaux rhawm gaux
rhi plak ngai lai, mhawm tix yuh awm in plak greem heue.
Paw kieh kawn nyawm lat ka tix.
2. Kawn Khrit Krai Pa Tix?
Phan maix yum rhawm mai rawk bwan ka daux krax moh
Cao Khrit, kawn nyawm pa gau maix khan — kix teu rien tix
keut yuh nin daux rhawm tix, mawh kheu pa tix? Sara phe
tix mawm ka piang ex nie ding niedawt lie? Mawh pwi mawx
pa kieh sara kwe krax caox rhawm ka ex lie? Phan krax gau
hoit hoit ti baux, sara chawk ki kix awaw. Kawn Khrit khan
kix chix kieh pwi phat lai gau lai kheu pa tix tawng nang pex
lie? Khaix an sara caw tix ah nin ka kix grawng pa gau ex
yuh nin mawh Simiang Yesux pa kieh ex gau heue. Yesux
mawh cao pa jhawp kaing ex mai pao grawm ex heue Nawh
mawh cao pa chix caox rhawm mai pa im leeing ju heue.
Nawh pai ka pwi saux pwi ngia khan kix moi heue. Tawx pwi
cai rhawm khan kix sawm kieh pwi duk ngai khan kix chix
yao, ang juing mawh ngie nan, kheu pa moh Nawh ka ex,
Nawh hoit kham tix yum son ex heue. Simiang Yesux mawh
pa tan pa lu pa kaoh khaing Siyiex Mai kham tix yum son ex
pwi khawm uik heue. Khaix an Simiang Siyiex deeh kieh
Simiang; Yesux deeh kaoh im heue. Yam kheem pa vhaik ka
6
