Pagkaparing'-Aaron Manwal 2

258 Pages·2011·2.22 MB·Tagalog

by  Zane Gray

PAGKAPARING’-AARON
Manwal 2
PAGKAPARING’-AARON
Manwal 2
Ginbantala sang–Ang Simbahan ni Jesucristo sang
mga Santos sa Ulihing mga Adlaw
Salt Lake City, Utah
© 1993, 1994 iya lang sang—Ang Simbahan ni Jesucristo
sang mga Santos sa Ulihing mga Adlaw
© 2000 by Intellectual Reserve, Inc.
Tanan nga mga kinamatarong ginahuptan
Ginbalhag sa Estados Unidos sang Amerika
Petsa sang pagtugot sa Ingles: 5/94
Petsa sang pagtugot sa paglubad
Linubad sang Aaronic Priesthood: Manual 2
Hiligaynon
Mga Kaundan
Numero kag Tig-ulo sang Leksyon Pamihak
Sa Manugpanugyan v
1 Sin-o Ako? 1
2 Pagkilala sang Aton Amay sa Langit 5
3 Pagtuo kay Jesucristo 9
4 Pagpakig-upod sang Balaan nga Espiritu 14
5 Pagbuot 18
6 Pag-alagad nga Subong kay Cristo 21
7 Ang Wala’y Katapusan nga Importansya sang mga Panimalay 27
8 Pagkaespirituhanon 31
9 Paghinulsol kag ang Pagpasag-uli ni Jesucristo 36
10 Pagtuon sang Balaan nga mga Kasulatan 41
11 Si Satanas kag ang Iya mga Pagsulay 46
12 Pangamuyo 50
13 Pagpuasa 54
14 Pagtuman sa Dios 59
15 Pang-Kahitaasan paagi sa Pagtipig sang mga Kasugtanan 63
16 Mga Ika-Pulo kag mga Halad 68
17 Mga Bendisyon sang Patriarka 73
18 Mga Tulumanon sang isa ka Manunudlo sa Pagkaparing’-Aaron 79
19 Isa ka Buong mga Tagipusuon kag isa ka Mahinulsulon nga Espiritu 83
20 Pagdumala sang Sakramento 87
21 Paghanda para sa Pagkaparing’-Melquisedec 90
22 Patriarkal nga Liderato sa Puluy-an 95
23 Kasarangan nga Pagpanghanda para sa Misyon 101
24 Ang mga Bugay sang Trabaho 105
25 Personal nga Kaputli paagi sa Disiplina sa Kaugalingon 110
26 Takos nga mga Panghunahuna 116
27 Ang Layi sang Ginuo sa Ikaayong-Lawas 122
28 Ang Adlaw nga Inugpahuway 126
29 Ang Katuyuan sang Kabuhi 131
30 Paghigugma sa Isigkatawo 136
31 Kapatawaran 142
32 Pagkultibar sang mga Hiyas sang Espiritu 146
33 Pangitaa Ninyo ang Kinaalam 151
34 Ang Gahum sang Halimbawa 155
35 Pagtuman, Pagtahod, kag Pagtib-ong sang Layi 160
36 Magpasalamat sa Tagsa ka Butang 164
37 Paghangop sang mga Papel sang Kababayin-an 169
38 Pagkabuhi sing Matarong sa isa ka Di-Matarong nga Kalibutan 173
39 Moral nga Kaisog 177
40 Paglikaw kag Pagdaug sang Pagsulay 181
41 Ang Sakramento: Sa Handumanan Niya 186
42 Sunda ang mga Kauturan 190
43 Espirituhanon nga Pagpanghanda para sa Misyon 195
44 Paghanda Karon para sa Kasal sa Templo 201
45 Epektibo nga Pagpanudlo sa Puluy-an 205
46 Paglikaw sang Nagapakanubo nga mga Impluwensya sang Media 209
47 Matinlo kag Nagakaigo nga Panghambal 215
48 Pagtipig sang Matarong nga mga Sulukdan 222
49 Pagkamatinud-anon kag Integridad 228
50 Paghatag sing Kabilinggan kag Pagpapagsik sang
mga Tawo nga may mga Kasablagan 233
51 Sa Manugpanugyan: [Paghanda] sang mga Leksyon gikan sa
mga Pamulong-pulong sa Pang-Kabilugan nga mga Komperensya 238
Mga Larawan
Sa Manugpanugyan
Ini nga mga leksyon gintuyo sa pagbulig sa mga pamatan-on nga makatuon parte sa
ebanghelyo kag mabuligan ang mga sinapol sang Pagkaparing’-Aaron nga mangin
masadya kag makahuluganon sa ila. Mahimo mo nga gamiton ini nga manwal sa pagtudlo
sang indibidwal nga mga korum sang mga pari, mga manunudlo, kag mga diacono, ukon
mahimo mo nga gamiton ini sa pagtudlo sang isa ka grupo sang tanan nga tatlo ka mga
korum. Paagi sa mainampuon nga paghanda sang tagsa ka leksyon, mabuligan mo ang
mga pamatan-on nga makatuon kon paano magpadako sang ila mga palangakuan
sa Pagkaparing’-Aaron kag matuodtuod nga mangin mga anak sang Dios (tan-awa sa
D&C 84:26–42 kag Juan 1:12–13).
Ini nga manwal nagaunod sing kalim-an kag isa ka mga leksyon—sobra sangsa imo
masarangan nga itudlo sa sulod sang tuig. Mainampuon nga pilia ang mga leksyon nga
makasabat sang mga panginahanglan sang mga pamatan-on nga imo ginatudluan. Ang
iban nga mga leksyon mahimo nga mangin mas nagakaigo para sa mga pari, samtang
ang iban mahimo nga mangin nagakaigo para sa mga diacono ukon mga manunudlo.
MGA YABI SA Agud magamit sing labing maayo ang mga leksyon sa sini nga manwal, gamita ang
MADINALAG-ON masunod nga mga yabi sa madinalag-on nga pagpanudlo:
NGA PAGPANUDLO
1. Magsentro sa Manluluwas.Ginatudluan mo ang mga pamatan-on nga mangin mga
gintutun-an ni Cristo. Indi igo nga tudluan lang sila sang isa ka tulumanon sang
pagkapari ukon sang isa ka matuod nga prinsipyo; ginakinahanglan nila nga mahangpan
nga amo ini ang gusto sang Manunudlo nga ila himuon bilang iya mga gintutun-an,
tungod sang ila pagtuo sa iya kag pagpalangga sa iya.
2. Pangitaa ang Espiritu.Pangayoa ang bulig sang Amay nga Langitnon samtang
ginahanda mo kag ginapresentar ini nga mga leksyon. Ang Ginuo nagpanaad,
“Ang Espiritu igahatag sa inyo paagi sa pangamuyo sang pagtuo; kag kon indi kamo
makabaton sang Espiritu indi kamo magtudlo” (D&C 42:14). Ang Espiritu mangin
pinakamabaskog kon nagasaksi ka parte kay Cristo, nagatudlo sang pagkagintutun-an,
kag nagatudlo kag nagasaksi gikan sa imo kaugalingon nga inagihan bilang iya
gintutun-an.
3. Paentraha ang mga pangulo sang korum. Ang mga pangulo sang korum sang
Pagkaparing’-Aaron dapat nga magtudlo sang mga katapo sang ila mga korum sang
mga tulumanon sang pagkapari (tan-awa sa D&C 107:85–87). Ang mga pangulo sang
korum, upod ang imo ayuda, dapat nga magbulig sa pagpamat-od kon ano nga mga
leksyon ang dapat nga ihatag kag kon sa ano nga pasunod. Ang mga tiglikom sang
korum dapat nga magtago sang mga rekord, ayhan sa isa ka kalendaryo, agud
malikawan ang pagsulit sang mga leksyon.
4. Palanggaa ang mga pamatan-on. Palambua ang isa ka matuodtuod nga pagpalangga
para sa tagsa ka pamatan-on nga imo ginatudluan. Ipakita ang imo pagpalangga sa
tanan nga imo ginahimo nga pareho lang sa sulod kag sa gwa sang hulot-klasehan.
Kilalaha sing maayo ang tagsa ka pamatan-on, ang iya mga kahuyugan, kag ang iya
mga pangduhaduha.
5. Magmangin handa. Tun-i ang tagsa ka leksyon sa bisan duha ukon tatlo ka simana antes
ipresentar ini. Kon padugay-dugayan mo pa ang paghanda sining mga leksyon tubtob
sa Sabado antes ihatag ang mga ini, ang imo klase mangin kulang gid kaayo ang
kaepektibo. Tandai ilabi na gid ang “Pagpanghanda” nga seksyon sa ginsuguran sang
tagsa ka leksyon.
v
Sa diin may nalakip nga mga sugilanon, basaha ang mga ini sing pila ka beses samtang
nagahanda sang leksyon agud mahangpan mo ang mga ini kag masarangan ang
pagpresentar sang mga ini sing maayo.
Kon nagakaigo, gamita ang polyeto kag tarheta nga For the Strength of Youth[Para sa
Kusog sang mga Lamharon (34285 kag 34287)] sa pagpasanyog sang imo mga leksyon.
Buligi ang mga pamatan-on nga makilal-an sing maayo ang mga sulukdan sa polyeto.
Papagsika ang mga pamatan-on sa pagbasa sini sing masunson kag magtuman sang
mga sulukdan nga ginapaathag sa sini.
DUGANG NGA Ang masunod nga mga panugyan makabulig sang tagsa ka leksyon nga mangin
MGA PANUGYAN makawiwili kag epektibo:
1. Gamita ang balaan nga mga kasulatan. Papagsika ang mga pamatan-on sa pagdala
sang ila balaan nga mga kasulatan sa sinapol sang pagkapari kada simana. Magbutang
sing mga lapis nga inugmarka nga ila magamit sa tion sang tagsa ka leksyon.
2. Papagsika ang paghinambalanay. Agdaha ang mga pamatan-on sa pagsabat sing
hilway kag sa pagpamangkot kon may [ila] mga pangutana. Kilalaha ang amot sang
tagsa ka pamatan-on agud magustohan niya ang magpartisipar sa [adlaw nga]
palaabuton.
3. Ipasibo ang mga leksyon sa inyo mga sirkumstansya.Gamita ang mga pahito sa
pagpanudlo nga makahatag sing interes sa mga pamatan-on nga imo ginatudluan.
Bantayi ang mga hitabo kag mga inagihan sa mga kabuhi sang mga pamatan-on ukon
sa mga kabuhi sang mga tawo nga ila suod nga nakilal-an nga makabulig himo sang
mga leksyon nga nagakasanto sa ila. Sa panalagsa, mahimo nga magkinahanglan ka
sa pagpasibo sang mga sugilanon kag mga halimbawa nga magkabagay sa inyo mga
sirkumstansya sang kultura.
Agud mabuligan ang mga pamatan-on nga makatuon sang mga pulong sang buhi nga
mga manalagna, ayhan gusto mo nga [ihanda] ang imo kaugalingon nga leksyon nga
nagagamit sang isa ka pamulong-pulong nga ginhatag sa pang-kabilugan nga
komperensya. Paagi sa paggamit sang mga sulundan nga ginhatag sa leksyon 51,
sarang mo mapalambo ang mga leksyon nga makasabat sa mga panginahanglan sang
mga pamatan-on sa inyo korum.
Ayhan matukiban mo nga ang pila sang mga leksyon nagalakip sang madamo kaayo
nga materyal nga itudlo sa isa ka hugnat sang klase. Sa sini nga mga hitabo, pilia ang
mga materyal nga kinahanglanon gid kaayo sang mga pamatan-on, ukon gamiti sing
kapin sa isa ka sinapol sa pagpresentar sang leksyon
4. Gamita ang mga larawan nga nalakip sa manwal.Tipigi ang mga larawan sa likod sini
nga manwal nga nagatabid sa manwal. Indi pagpuksia ang mga ini. Gamita ang mga ini
upod sa nagakaigo nga mga leksyon. Kalabanan sang mga larawan sa manwal yara
man bilang bahin sang Gospel Art Picture Kit[Pakite sang Pang-Ebanghelyong Arte sa
Larawan] (34730)]. Sarang ka maka-order sang pakite gikan sa Salt Lake Distribution
Center ukon makahulam sang mga larawan pagwa sa inyo librarya sang balay-tilipunan.
Ang librarya sang balay-tilipunan mahimo nga may mga larawan man nga sarang mo
magamit sa pagpauswag sang mga sugilanon sa balaan nga kasulatan.
5. Gamita ang yeso kag ang pisara. Antes sang tagsa ka klase, hunahunaa kon paano mo
magamit sing labing maayo ang pisara sa pagpauswag sang imo leksyon. Kon
nagagamit sang pisara, isulat lamang ang yabi nga mga pulong gikan sa mas malaba
nga mga pahayag.
6. Maghatag sing mga hangkat kag sundan ang mga ini. Tapusa ang tagsa ka leksyon
upod ang isa ka pat-od nga hangkat. Sundan mo ang mga pamatan-on kag papagsika
sila sa pagsabat sang hangkat. Agdaha sila sa pagreport sang ila mga kadalag-an sa
pagsabat sang mga hangkat.
7. Gamita ang mga balasahon nga pang-Simbahan. Ang New Era, Ensign,kag
internasyonal nga mga balasahon nagaunod sang madamo nga bantugan nga mga
vi
sugilanon kag mga sinulatan nga mahimo nga makabulig pauswag sang tal nga mga
leksyon sa sini nga manwal. Ilabi na gid nga mapuslanon amo ang mga isyu nga
nagaunod sang mga pamulong-pulong nga ginahatag sang Pang-Kabilugan nga mga
Pagbulut-an sang Simbahan sa pang-kabilugan nga komperensya.
8. Gamita ang mga handout[ginhanda nga inugpanagtag nga mga materyal]. Ang mga
handoutmakita sa katapusan sang iban nga mga leksyon sa pagbulig sa mga pamatan-
on nga matun-an kag madumduman ang mga prinsipyo sang ebanghelyo. Kon
nagakaigo, maghimo sing mga kopya sang mga handout nga gamiton sa tagsa ka
leksyon.
PANGULUHAN Ang panguluhan sang korum sang mga diacono may responsibilidad sa paghanda sang
SANG MGA iban pa nga mga pamatan-on sa pagbaton sang pagkapari. Papagsika ang panguluhan sa
DIACONO paghimo sing pila ka malip-ot nga mga presentasyon sa klase sang Primarya nga
NAGADUAW SA ginatambungan sining mas lamharon nga mga bata nga lalaki. Ini nga mga presentasyon
KLASE SANG dapat nga may tatlo-ka-bahin nga katuyuan:
PRIMARYA
1. Sa paghatag sa panguluhan sang korum sang mga diacono sing inagihan sa
pagpanudlo sang mas lamharon nga mga bata nga lalaki.
2. Sa pagbulig sa mas lamharon nga mga bata nga lalaki nga nagahanda sa pagbaton
sang pagkapari nga makamarasmas sa mga tulumanon kag mga bugay sang
Pagkaparing’-Aaron. Ang panguluhan sang korum dapat man nga magdagmit sang
kalipay kag kaayawan nga nagaabot paagi sa pag-alagad kag sang importansya sang
pagpabilin nga isa ka maayo nga halimbawa.
3. Sa pagbulig sa mas lamharon nga mga bata nga lalaki nga makatalupangod nga
pagaabiabihon sila sa korum.
Ang panguluhan mahimo nga maghatag sing mga presentasyon nga kaanggid sa duha ka
mga ginapanugyan sa idalom:
Ang isa ka Diacono Nagaalagad sa Iban
Ang panguluhan sang korum sang mga diacono mahimo nga maghanda sing isa ka
baynte-minutos nga presentasyon nga nagapaathag kon paano ang mga diacono
nagaalagad sa iban paagi sa paghikot sang ila mga tulumanon sang pagkapari kag
magpaambit sang kalipay kag kaayawan nga nagaabot paagi sa sini nga pag-alagad. Ang
panguluhan sang korum sarang makapaathag kon paano ang pagpanagtag sang
sakramento kag pagpanipon sang mga tanyag-puasa nagahatag sing bugay sa mga
kabuhi sang mga katapo sang purok; sarang man sila makareport parte sa pat-od nga
mga proyekto sang pag-alagad.
Magmangin isa ka Halimbawa
Ang panguluhan sang korum sang mga diacono mahimo nga maghanda sing isa ka
baynte-minutos nga presentasyon parte sa importansya sang pagpabilin nga isa ka maayo
nga halimbawa bilang isa ka nagakapot sang pagkapari nga nagarepresentar kay
Jesucristo. Ang panguluhan sang korum sarang makapaathag sang importansya sang
pagpahamtang sang isa ka maayo nga halimbawa sa pameste kag panghulag, ilabi na gid
kon nagapanagtag sang sakramento kag nagapanipon sang mga tanyag-puasa.
Ikaw kag ang panguluhan sang korum sang mga diacono dapat nga magsapol upod sa
manunudlo sang Primarya sa pagplano sang mga presentasyon antes ihatag ini sa ila
sang panguluhan. Ang mga pagduaw sa mga klase sang Primarya dapat nga mapakig-
angot sa pangulo sang Primarya.
vii

1
Sin-o Ako?
TINUTUYO Mahangpan sang tagsa ka pamatan-on nga sia isa ka anak sang Dios kag mahimo nga
mangin subong sang iya Amay sa Langit.
PAGPANGHANDA Mga materyal nga kinahanglanon:
1. Balaan nga mga kasulatan para sa tagsa ka pamatan-on.
2. Isa ka kopya sang polyeto kag tarheta ngaFor the Strength of Youth[Para sa Kusog
sang mga Lamharon (34285 kag 34287)] para sa tagsa ka pamatan-on.
TANDA Ang isa ka pamatan-on nga nagatulok lamang sang iya kaugalingon sa karon kulang gid
kaayo sing ikasarang sa paghimo sang maalamon nga mga pamat-od kag magpalambo
sang nagakaigo nga mga panglantaw kag mga pamatasan sangsa isa nga nagatulok sa
kabuhi gikan sa isa ka wala’y katapusan nga panglantaw. Ang nauna mas may purohan
sa paghangad sang mga kaayawan sang karon kag maghimo sang mga pagpili nga
makahalit sa iya wala’y katapusan nga kaayuhan. Ang isa mas may purohan sa paggamit
sang pagtuo kag pagpaumod kag maghimo sang mga pagpili nga magabulig sa iya nga
mag-uswag padulong sa kabuhi nga wala’y katapusan. Idagmit nga kon paano nagkabuhi
karon ang tagsa ka pamatan-on magaapekto sang iya kabuhi sa bug-os nga katubtuban.
Buligi sia nga magpalambo sang isa ka wala’y katapusan nga panglantaw
GINAPANUGYAN
NGA PAGPALAMBO
SANG LEKSYON Ang Tagsa ka Pamatan-on Mahimo nga Mangin Subong sang Iya Amay sa Langit
Sinambit nga Ipaathag nga sugod sang pagpanumbalik sang matuod nga Simbahan ni Jesucristo sa
mga Pulong Ulihing mga Adlaw, ang mga katapo sang Simbahan nakahibalo na parte sa ila ginhalinan
kag kapalaran bilang mga kabataan sang Dios. Ang isa ka manalagna sa ulihing adlaw
nga si Lorenzo Snow, nagpahayag sing maathag sini nga pagpanudlo sang magsiling
sia, “Subong sang tawo karon ang Dios amo sadto; Subong sang Dios karon, ang tawo
mahimo nga mangin amo man” (sa Thomas G. Romney, The Life of Lorenzo Snow
[Salt Lake City: Deseret News Press, 1955], p. 46).
Sugilanon Ipaathag nga madamo nga mga tawo sa gwa sang ginpanumbalik nga Simbahan ang
wala makahangop nga mga anak sila nga lalaki kag mga anak nga babayi sang Dios.
Dayon isaysay ang masunod nga sugilanon:
“[Si Elder] John A. Widtsoe [isa anay ka katapo sang Korum sang Napulo’g Duha]
nagbiyahe pa-Ingglatera sang panahon sang Unang Inaway Kalibutanon, kag ang opisyal
sa Ingles nga imigrasyon nga nag-interbyu sa iya nagsiling, ‘Indi, indi kami magpasugot
nga magsulod kamo. Ginapasugtan namon ang inyo mga misyonero sa pagsulod, apang
indi namon gusto ang bisan sin-o sang inyo mga lider.’ Nagsiling sia, ‘Lakat kag
magpungko.’ Gani [si Elder] Widtsoe naglakat kag nagpungko.
“Sa pila ka minutos gintawag sia pabalik sang opisyal kag nagsiling, ‘Kon pasugtan ko
ikaw sa pagsulod sa akon pungsod, ano ang itudlo mo sa akon katawhan?’”
• Kon kamo sadto si Elder Widtsoe, ano ayhan ang inyo nasabat?
“[Si Elder] Widtsoe nagsiling, ‘tudluan ko sila kon diin sila naghalin, kon ngaa yari sila diri,
kag kon diin sila pakadto.’ Ang opisyal nagtungkaaw sa iya kag namangkot, ‘Nagatudlo
bala sina ang inyo Simbahan?’ kag [si Elder] Widtsoe nagsiling, ‘Huo.’
1