ORODHA YA WAJUMBE WA BARAZA LA WAWAKILISHI ZANZIBAR MHE. ZUBEIR ALI MAULID ...

186 Pages·2016·0.83 MB·Swahili

ORODHA YA WAJUMBE WA BARAZA LA WAWAKILISHI
ZANZIBAR

MHE. ZUBEIR ALI MAULID - SPIKA

1. Mhe. Mgeni Hassan Juma - Naibu Spika/ Nafasi za
Wanawake
2. Mhe. Mwanaasha Khamis Juma - Mwenyekiti wa Baraza/
Jimbo la Chukwani
3. Mhe. Shehe Hamad Mattar - Mwenyekiti wa Baraza/
Jimbo la Mgogoni
4. Mhe. Balozi Seif Ali Iddi - MBM/Makamu wa Pili
wa Rais /Kiongozi wa
Shughuli za Serikali/
Jimbo la Mahonda
5. Mhe. Issa Haji Ussi (Gavu) - MBM/Waziri wa Nchi,
Ofisi ya Rais na
Mwenyekiti wa Baraza la
Mapinduzi/Jimbo la
Chwaka
6.Mhe. Haji Omar Kheri - MBM/Waziri wa Nchi,
Ofisi ya Rais Tawala za
Mikoa na Idara Maalum
za SMZ/ Jimbo la
Tumbatu
7. Mhe. Haroun Ali Suleiman - MBM/Waziri wa Nchi,
Ofisi Rais, Katiba, Sheria
na Utumishi wa Umma
na Utawala Bora /Jimbo
la Makunduchi
8. Mhe. Mohammed Aboud Mohammed - MBM/Waziri wa Nchi,
Ofisi ya Makamu wa Pili
wa Rais wa Zanzibar/
Uteuzi wa Rais
1
9. Mhe. Dkt. Khalid Salum Mohamed - MBM/Waziri wa Fedha
na Mipango /Jimbo la
Donge

10. Mhe.Mahmoud Thabit Kombo - MBM/Waziri wa Afya/
Jimbo la Kiembesamaki
11. Mhe. Riziki Pembe Juma - MBM/Waziri wa Elimu
na Mafunzo ya Amali /
Nafasi za Wanawake
12. Mhe. Balozi Amina Salum Ali - MBM/Waziri wa
Biashara, Viwanda na
Masoko Zanzibar/ Uteuzi
wa Rais
13.Mhe. Balozi Ali Abeid Karume - MBM/Waziri wa
Ujenzi, Mawasiliano na
Usafirishaji/ Uteuzi wa
Rais
14. Mhe. Rashid Ali Juma - MBM/Waziri wa Habari,
Utalii na Michezo/Jimbo
la Amani
15. Mhe. Hamad Rashid Mohamed - MBM/Waziri wa Kilimo,
Maliasili, Mifugo na
Uvuvi/ Uteuzi wa Rais
16. Mhe. Maudline Cyrus Castico - MBM/Waziri wa
Uwezeshaji, Wazee,
Vijana, Wanawake na
Watoto/ Uteuzi wa Rais
17. Mhe. Salama Aboud Talib - MBM/Waziri wa Ardhi,
Maji, Nishati na
Mazingira/ Nafasi za
Wanawake
18. Mhe. Juma Ali Khatib - MBM/ Waziri Asiekuwa
naWizara Maalum/Uteuzi
wa Rais
2
19. Mhe. Said Soud Said - MBM/Waziri Asiekuwa
na Wizara Maalum/
Uteuzi wa Rais

20. Mhe. Khamis Juma Mwalim - Naibu Waziri, Wizara ya
Nchi, Ofisi ya Rais,
Katiba, Sheria na
Utumishi wa Umma na
Utawala Bora/ Jimbo la
Pangawe
21. Mhe. Harusi Said Suleiman - Naibu Waziri wa Afya/
Jimbo la Wete
22. Mhe. Mmanga Mjengo Mjawiri - Naibu Waziri wa Elimu
na Mafunzo ya Amali
/Jimbo la Mkoani
23. Mhe. Mohamed Ahmada Salum - Naibu Waziri wa Ujenzi,
Mawasiliano na
Usafirishaji / Jimbo la
Malindi
24. Mhe. Chum Kombo Khamis - Naibu Waziri wa Habari,
Utalii na Michezo/Nafasi
za Wanawake
25. Mhe. Lulu Msham Abdalla - Naibu Waziri wa Kilimo,
Maliasili, Mifugo na
Uvuvi/ Nafasi za
Wanawake
26. Mhe. Juma Makungu Juma - Naibu Waziri wa Ardhi,
Maji, Nishati na
Mazingira/ Jimbo la
Kijini
27. Mhe. Abdalla Ali Kombo - Jimbo la
Mwanakwerekwe
28. Mhe. Abdalla Maulid Diwani - Jimbo la Jang’ombe
29. Mhe. Ali Khamis Bakar - Jimbo la Tumbe
3
30. Mhe. Ali Salum Haji - Jimbo la Kwahani
31. Mhe. Ali Suleiman Ali (Shihata) - Jimbo la Kijitoupele
32. Mhe. Ame Haji Ali - Jimbo la Nungwi
33. Mhe. Amina Iddi Mabrouk - Nafasi za Wanawake
34. Mhe. Asha Abdalla Mussa - Jimbo la Kiwengwa
35. Mhe. Bahati Khamis Kombo - Jimbo la Chambani
36. Mhe. Bihindi Hamad Khamis - Nafasi za Wanawake
37. Mhe. Hamad Abdalla Rashid - Jimbo la Wawi
38. Mhe. Hamida Abdalla Issa - Nafasi za Wanawake
39. Mhe. Hamza Hassan Juma - Jimbo la Shaurimoyo
40. Mhe. Hassan Khamis Hafidh - Jimbo la Welezo
41. Mhe. Hidaya Ali Makame - Nafasi za Wanawake
42. Mhe. Hussein Ibrahim Makungu (Bhaa) - Jimbo la Mtoni
43. Mhe. Jaku Hashim Ayoub - Jimbo la Paje
44. Mhe. Khadija Omar Kibano - Jimbo la Mtambwe
45. Mhe. Machano Othman Said - Jimbo la Mfenesini
46. Mhe. Dkt. Makame Ali Ussi Makoti - Jimbo la Mtopepo
47. Mhe. Makame Said Juma - Jimbo la Kojani
48. Mhe. Maryam Thani Juma - Jimbo la Gando
49 Mhe. Masoud Abrahman Masoud - Jimbo la Bububu
50. Mhe. Mihayo Juma N’hunga - Jimbo la Mwera
51. Mhe. Miraji Khamis Mussa - Jimbo la Chumbuni
52. Mhe. Moh’d Mgaza Jecha - Jimbo la Mtambile
53. Mhe. Mohamed Said Mohamed - Jimbo la Mpendae
54. Mhe. Mohammedraza Hassanaali Mohamedali- Jimbo la Uzini
55. Mhe. Mtumwa Peya Yussuf - Jimbo la Bumbwini
56. Mhe. Mtumwa Suleiman Makame - Nafasi za Wanawake
57. Mhe. Mussa Ali Mussa - Jimbo la Ole
58. Mhe. Mussa Foum Mussa - Jimbo la Kiwani
59. Mhe. Mwanaidi Kassim Mussa - Nafasi za Wanawake
60. Mhe. Mwantatu Mbaraka Khamis - Nafasi za Wanawake
61. Mhe. Dkt Mwinyihaji Makame Mwadini - Jimbo la Dimani
62. Mhe. Nadir Abdul-latif Yussuf Al-Wardy- Jimbo la Chaani
63. Mhe. Nassor Salim Ali - Jimbo la Kikwajuni
64. Mhe. Omar Seif Abeid - Jimbo la Konde
65. Mhe. Panya Ali Abdalla - Nafasi za Wanawake
4
66. Mhe. Rashid Makame Shamsi - Jimbo la Magomeni
67. Mhe. Saada Ramadhan Mwendwa - Nafasi za Wanawake
68. Mhe. Said Omar Said - Jimbo la Wingwi
69. Mhe. Said Hassan Said - Mwanasheria Mkuu
70. Mhe. Salha Mohamed Mwinjuma - Nafasi za Wanawake
71. Mhe. Salma Mussa Bilal - Nafasi za Wanawake
72. Mhe. Shadya Mohamed Suleiman - Nafasi za Wanawake
73. Mhe. Shaib Said Ali - Jimbo la Chonga
74. Mhe. Shamata Shaame Khamis - Jimbo la Micheweni
75. Mhe. Simai Mohammed Said - Jimbo la Tunguu
76. Mhe. Suleiman Makame Ali - Jimbo la Ziwani
77. Mhe. Suleiman Sarahan Said - Jimbo la Chakechake
78. Mhe. Tatu Mohamed Ussi - Nafasi za Wanawake
79. Mhe. Ussi Yahya Haji - Jimbo la Mkwajuni
80. Mhe. Viwe Khamis Abdalla - Nafasi za Wanawake
81. Mhe. Wanu Hafidh Ameir - Nafasi za Wanawake
82. Mhe. Yussuf Hassan Iddi - Jimbo la Fuoni
83. Mhe. Zaina Abdalla Salum - Nafasi za Wanawake
84. Mhe. Zulfa Mmaka Omar - Nafasi za Wanawake

Ndugu Raya Issa Msellem - Katibu wa Baraza la Wawakilishi

5
Kikao cha Kumi – Tarehe 2 Julai, 2016

(Kikao kilianza saa 3:00 asubuhi)

DUA

Mhe. Spika (Zubeir Ali Maulid) alisoma dua

MASWALI NA MAJIBU

Nam. 37

Ukosefu wa Vyombo vya Usafiri kwa Majaji Pemba

Mhe. Jaku Hashim Ayoub – Aliuliza:-

Mhe. Spika, ahsante sana kabla ya yote naomba uniruhusu kwa dakika moja tu
kumshukuru Mwenyezi Mungu na vile vile nimshukuru Mwenyekiti wangu
Mhe. Ali Suleiman Ali (Shihata) nilipokuwa sipo alikuwa akiniwakilisha,
namwambia aendelee na uzi huo huo.

Mahakama Pemba zinakabiliwa na uhaba wa gari kwa Majaji wanaokwenda
kusikiliza kesi kisiwani humo na kulazimika kutumia gari inayokabiliwa na
uchakavu kinyume na hadhi yao.

a) Je, serikali ina mpango gani wa kuweka gari japo mbili kwa ajili ya
Majaji wa Mahakama Kuu.

b) Ni muda gani sasa tangu mazingira ya uhaba wa gari kujitokeza
Kisiwani humo na lini tatizo hilo litaondoka.

c) Kutokana na mazingira hayo serikali haioni ndio chanzo cha Majaji
kutokwenda kwa wakati kusikiliza kesi na kuzitolea hukumu.

Mhe. Naibu Waziri wa Nchi, Ofisi ya Rais, Katiba, Sheria, Utumishi wa
Umma na Utawala Bora - Alijibu:-

Mhe. Spika, kwa idhini yako naomba kumjibu Mhe. Mwakilishi swali lake
Nam. 37 lenye vipengele (a), (b) na (c) kama ifuatavyo:-

6
(a) Mhe. Spika, ni kweli kwamba Mahakama zetu zimekuwa zikikabiliwa
na matatizo mbali mbali, likiwemo tatizo la usafiri hususan kwa
upande wa Pemba. Katika kukabiliana na tatizo hilo, wizara yangu
kupitia Mahakama imeshapeleka gari moja huko Pemba ili kupunguza
tatizo la usafiri kwa matumizi ya Mahakama Kuu. Wizara itahakikisha
kwamba fedha zinazotengwa kwa ajili ya ununuzi wa gari mpya na
matengenezo ya magari chakavu yaliyoko Mahakama Kuu Pemba ili
kupunguza tatizo hilo.

(b) Mhe. Spika, suala la uhaba wa gari kwa matumizi ya Mahakama
Kisiwani Pemba ni la muda mrefu na litaondoka mara tutakapoweza
kupata fedha za kununulia magari mapya.

(c) Mhe. Spika, uhaba wa usafiri sio chanzo cha Majaji kutokwenda
kusikiliza kesi Kisiwani Pemba. Aidha, Majaji wa Mahakama Kuu
wamekuwa wakienda Pemba mara kwa mara kwa lengo la kusikiliza
kesi kwa mujibu wa utaratibu uliopangwa na Mahakama.

Mhe. Jaku Hashim Ayoub: Mhe. Spika, ahsante sana nitakuwa mtovu wa
adabu wa mwisho kama sikumshukuru Mhe. Naibu Waziri kwa kusema kweli
na niombe Mawaziri na Manaibu Waziri wafate nyayo zake kwa kuliwezesha
Baraza hili. Mheshimiwa baada ya shukurani hizo naomba kuuliza swali moja
lenye fungu (a) na (b).

a) Mhe. Naibu Waziri Majaji ni watu wenye hadhi kubwa, lakini
kutokana na hali yao hasa Kisiwani Pemba panapokuwa na Majaji
wawili katika utekelezaji wa majukumu yao ya kazi huwa kuna
usumbufu wa gani. Je, wizara yako itachukua hatua gani ya dharura
kusimamia tatizo hilo.

b) Mhe. Naibu Waziri ulipokuwa unajibu swali la msingi ulisema
Mahakama zetu zinakabiliwa na matatizo mbali mbali, hilo
nikushukuru sana kwa maneno yangu niliyosema jana mimi kutounga
mkono bajeti nafikiri utayaafiki. Je, umejipanga vipi kuongeza bajeti
mwaka huu ukijua kwamba Mahakama zetu ndio kimbilio la
wanyonge wa nchi hii. Hivyo, umejipanga vipi kuongeza bajeti hii
baada ya kukwambia kwamba ni ndogo haikidhi na umeyaona
mwenyewe leo ushahidi wake hata masaa 24 hayajafika umekiri
mwenyewe mbele yetu. Ahsante sana mheshimiwa.

7
Mhe. Naibu Waziri wa Nchi, Ofisi ya Rais, Katiba, Sheria, Utumishi wa
Umma na Utawala Bora: Mhe. Spika, nakubali kuwa Majaji wana hadhi kuu
miongoni mwa watu ambao wanahitajika kuwa na hadhi. Sasa kwa kuwa
Majaji wa hadhi kama Mhe. Mwakilishi ulifatilia swali langu mama ni kwamba
tayari wizara imeshapeleka gari moja, gari hiyo kwa ajili ya kuwahudumia hao
Majaji. Kwa hivyo, tumepeleka gari hilo kwa sababu tunajua kwamba Majaji
wana hadhi kubwa na wao wanahitaji usafiri kule Pemba, kwa hiyo gari moja
Mhe. Mwakilishi tayari tumeshapeleka na nyengine tunafatilia.

UTARATIBU

Mhe. Jaku Hashim Ayoub: Mhe. Spika, swali namba (b) amesahau.

Mhe. Spika: Swali la (b) hujalijibu.

Mhe. Naibu Waziri wa Nchi, Ofisi ya Rais, Katiba, Sheria, Utumishi wa
Umma na Utawala Bora: Mhe. Spika, kwa kuwa bajeti ya Mahakama ni
ndogo na umeniomba kukueleza tumejipanga vipi ili kuhakikisha kwamba
bajeti inakuwa na mvuto katika Mahakama.

Mhe. Spika, bajeti ambayo tunayo ya Mahakama kipindi hiki pamoja na
kwamba inaonekana ni haba lakini tutajitahidi kadiri tuwezavyo kuhakikisha
kwamba bajeti inayofuata tunahakikisha Mahakama inakuwa na kiwango
kikubwa na fedha ili kuyatatua yale yote ambayo mwaka huu yatakuwa bado
hayajafanyiwa kazi.

Mhe. Nassor Salim Ali: Mhe. Spika, ahsante na mimi kunipa ruhusa ya
kuuliza swali moja la nyongeza. Mhe. Spika, nimpongeze sana na mimi Mhe.
Naibu Waziri kwa majibu yake mazuri, lakini mbali na majibu yake amesema
kwamba wizara imeshanunua gari moja na inatenga fedha kununua gari
jengine. Lakini vile vile kuna magari machakavu ambayo yanahitajika
kutengenezwa. Je, ni magari mangapi machakavu ambayo yanahitajika
kutengenezwa katika Kisiwa cha Pemba.

Mhe. Naibu Waziri wa Nchi, Ofisi ya Rais, Katiba, Sheria, Utumishi wa
Umma na Utawala Bora: Mhe. Spika, ni kweli katika jawabu langu mama
nilieleza kwamba kuna baadhi ya magari machakavu ambayo yanahitajika
kufanyiwa matengenezo. Mhe. Spika, namuomba Mhe. Mwakilishi aniruhusu
kumletea hiyo idadi ya hayo magari machakavu yaliyokuwepo huko Pemba
ambayo yanahitaji kufanyiwa matengenezo kwa maandishi.

8
Mhe. Yussuf Hassan Iddi: Mhe. Spika, ahsante nashukuru kwa kuweza
kunipa na mimi fursa ya kuuliza swali moja la nyongeza, na mimi sina budi
nimpongeze Mhe. Naibu Waziri kwa majibu yake, kwa kuwa amesema wizara
hii imejipanga kuhusina na suala la usafiri wa Majaji. Je, vipi kuhusiana na
makaazi ya Majaji hao Kisiwani Pemba zipo nyumba zinazostahiki kukaa
Majaji hao au wanaishi mahotelini.

Mhe. Naibu Waziri wa Nchi, Ofisi ya Rais, Katiba, Sheria, Utumishi wa
Umma na Utawala Bora: Mhe. Spika, ningependa kumjuulisha Mhe.
Mwakilishi kwamba serikali haina utaratibu wa kuwakodia Majaji wengine
ukiondoa Mhe. Jaji Mkuu, Majaji wetu wote wanaishi katika makaazi yao
binafsi na serikali hutoa posho mbali mbali kwa Majaji hao ikiwemo posho la
nyumba.

Nam. 61

Gharama za Kuunga Umeme Bado Kubwa

Mhe. Jaku Hashim Ayoub - Aliuliza:-

Kumekuwa na kilio kwa wananchi wanyonge masikini kushindwa kumudu
gharama kubwa ya kuunga umeme, ambapo hivi sasa umeme umekuwa na
umuhimu zaidi kwa kuwa ni sehemu ya wananchi kujifanyia miradi ya
kuongeza vipato vyao.

Je, kwa nini shirika halipeleki nguzo za umeme kama sehemu ya miundombinu
halafu mwananchi akalipia gharama za kuunga peke yake, badala ya
kubebeshwa mzigo wa kulipa nguzo na uungaji ambazo ni kubwa sana.

Mhe. Naibu Waziri wa Ardhi, Maji, Nishati na Mazingira - Alijibu:-

Mhe. Spika, kwa idhini yako naomba kumjibu Mhe. Mwakilishi swali lake
Nam. 61 kama ifuatavyo:-

Mhe. Spika, wizara yangu kupitia Shirika la Umeme imezingatia ushauri wa
Mhe. Mwakilishi huyo wa kuwasogezea wananchi huduma ya umeme karibu
na maeneo yao. Hata hivyo, kutokana na gharama kubwa za uendeshaji
zinazolikabili Shirika la Umeme hivi sasa ni vigumu kutekeleza kikamilifu
zoezi la kusogeza huduma kwa mwananchi mmoja mmoja. Kutokana na hali
hiyo inapelekea haja kwa wananchi kuendelea kuchangia gharama za uungaji
umeme. Ahsante.
9
Mhe. Jaku Hashim Ayoub: Mhe. Spika, kwa masikitiko makubwa ya chombo
hiki, unajua binadabu siku zote hutakiwa kumaliza maneno mengine huweka
akiba. Mhe. Naibu Waziri alijibu swali Nam. 8 akajibu na Waheshimiwa
Mawaziri waliokuwepo mbele wakampigia makofi sasa sijui makofi yake
yaliashiria vipi, naomba nisome hansard.

"Mhe. Spika, serikali haiogopi hasara kwa kunufaisha wananchi wake".
Unatujibu nini Mhe. Naibu Waziri, uko tayari kujiuzulu baada ya kushindwa
kusimamia matatizo yako. Hii hapa si maneno yangu" serikali haiogopi hasara
kwa ajili ya wananchi wake", leo unatujibu nini humu ndani.

Mhe. Spika: Mhe. Jaku naomba ukae ili waziri mwenyewe atoe ufafanuzi
hapo.

Mhe. Waziri wa Ardhi, Maji, Nishati na Mazingira: Mhe. Spika, na
Waheshimiwa Wajumbe, ni kweli serikali haiogopi hasara na sisi nataka
tumuhakikishie Mhe. Mwakilishi kwamba Shirika la Umeme linabeba mzigo
mkubwa kwa sababu ya kuwahudumia wananchi wake. Bei ya umeme ambayo
tunaitoa basi serikali ina-subsidize kuhakikisha kwamba wananchi wake
wanapata umeme kwa bei nafuu. Lakini mzigo tunauchukua ni mkubwa
tunahakikisha tunafikisha umeme na tunahakikisha kwamba wananchi
wanapata umeme kwa bei nafuu. Kama tukisema gharama ambazo tunazikabili
zote tuwabebeshe wananchi basi wananchi wengi watakuwa hawawezi kupata
hiyo huduma. Kwa hiyo, nataka kumuhakikishia Mhe. Mwakilishi sisi tupo
kwa sababu ya watu na watu hawa tutawahudumia ipasavyo na ndio maana
tunafika pahala kama shirika tubebe mzigo, kama serikali tubebe tuhakikishe
wananchi wanapata huduma iliyo bora. Ahsante.

Mhe. Machano Othman Said: Mhe. Spika, kwanza naomba nikushukuru kwa
kunipa nafasi hii, lakini pia nimpongeze sana Mhe. Waziri kwa majibu yake
mazuri. Mhe. Spika, mimi nataka kuuliza lifuatalo. Kwa kuwa sera ya serikali
ni ya kuwasaidia wananchi katika huduma za umeme na maji safi na salama, na
kwa kuwa sasa hivi Shirika la Umeme wanazo nguzo nyingi.

Je, wizara yake iko tayari kushirikiana na Waheshimiwa Wawakilishi na hasa
wa Jimbo la Mfenesini kuhakikisha wanaweka utaratibu mzuri wa mkopo
ambao atachukua mwenyewe Mhe. Mwakilishi dhamana ili kuangalia upelekaji
wa nguzo katika Jimbo la Mfenesini na kuondoa tatizo la wananchi.

Mhe. Waziri wa Ardhi, Maji, Nishati na Mazingira: Mhe. Spika, kweli sisi
tuko tayari kushirikiana na Waheshimiwa Wawakilishi na hilo kila siku
10