ned geref teologiese tydskrif

300 Pages·2011·2.26 MB·English

NED GEREF
TEOLOGIESE
TYDSKRIF
DEEL 52 NOMMERS 1 & 2 MAART & JUNIE 2011
Redaksie: Dr G Brand (redakteur), HL Bosman, JH Cilliers, R Venter en DP Veldsman.
Adres van redaksie: NGTT, Die Kweekskool, Dorpstraat 171, Stellenbosch 7600 (Posadres: NGTT,
Fakulteit Teologie, P/sak X1, Matieland 7602; e-posadres: [email protected].)
http://academic.sun.ac.za/theology/NGTT.htm
Die redaksie vereenselwig hom nie noodwendig met die menings wat deur skrywers in die
tydskrif uitgespreek word nie.
Redaksiesekretaresse: Me HS Nienaber
Medewerkers van NGTT aan SA Universiteite en akademiese instellings:
Universiteit van Stellenbosch
Proff P Coertzen, KTh August, HJ Hendriks, NN Koopman, DJ Louw, AEJ Mouton, J Punt, DJ Smit,
LC Jonker, I Swart, drr Gerrit Brand, AL Cloete, CC le Bruyns, IA Nell, DX Simon, C Thesnaar,
RR Vosloo en me EM Bosman.
Ekklesia, U.S.
Drr CW Burger en JF Marais, PM Goosen en C Jones (Navorsingsgenote: Prof A Boesak,
Drr Auke Compaan, Christoff Pauw en ds Jan Nieder-Heitmann)
Universiteit van Pretoria
Proff DE de Villiers, DJ Human, JH le Roux, PGJ Meiring, JC Müller, GJ Steyn, JG van der Watt,
CJA Vos, CJ Wethmar, Malan Nel, drr A Groenewald, CJP Niemandt, Graham Duncan en Maake
Masango, AS van Niekerk en JM van der Merwe.
Instituut vir Terapeutiese Ontwikkeling
Prof DJ Kotze
Universiteit van die Vrystaat
Proff RM Britz, J Janse van Rensburg, SJPK Riekert, SD Snyman, PJ Strauss, DF Tolmie,
HC van Zyl, P Verster, J-A van den Berg, J Steyn, en en ds. M Sukdaven.
Nelson Mandela Metropolitaanse Universiteit
Prof P Naudé.
Ander medewerkers van NGTT:
HR Botman, HJB Combrink, PGR de Villiers, J du Preez.
HAJ Kruger, BA Müller, CM Pauw, JMG Prins, PA Verhoef en dr BA du Toit,
Proff AC Barnard, CWH Boshoff, D Crafford, AB du Toit, JJ Kritzinger, JW Hofmeyr,
PB van der Watt, JS Kellerman, JC Lombard, DN Pienaar, PC Potgieter, JH Smit en SA Strauss,
GE Olivier en drr TD Keta en IJ van der Merwe.
Internasionale medewerkers van die NGTT:
Humboldt-Universität zu Berlin en Die Universiteit van Stellenbosch
Prof C Breytenbach
Vrije Universiteit Amsterdam, Nederland
Prof A van de Beek
1
Princeton Theological Seminary, VSA
Prof JWV van Huyssteen
Utrecht Universiteit, Nederland
Prof J van Oort
Universiteit van Leuven
Prof Rik Torfs
Indeksering:
• Internationale Zeitschriftenschau für Bibel Wissenschaft und Grenzgebiete
• KOVSIDEX Database, Universiteit van die Vrystaat
• New Testament Abstracts
• Old Testament Abstracts
Administrasie: Intekengeld: Afrika – R180.00 per jaar; buite Afrika – R300.00 per jaar; studente
– R100.00 per jaar; los eksemplare: R100.00 elk; BTW inklusief.
Boeke vir bespreking en ruilnommers moet gestuur word aan:
Die NGTT, Die Kweekskool, Dorpstraat 171, Stellenbosch 7600 of: Privaatsak X1, Matieland
7602.
Subskripsie:
Kontak Esther van Biljon by [email protected]
Uitgewer:
Die NGTT is uitgegee met die ondersteuning van CLF, Wellington 7654
[phone]
2 Deel 52 Nommer 1 & 2 Maart en Junie 2011
CHRISTELIKE LEKTUURFONDS
Christelike Lektuurfonds is gestig met die doel om die
evangelie van Jesus Christus deur middel van Christelike
leesstof in Afrika-tale, sowel as Afrikaans en Engels, te versprei.
CLF is self verantwoordelik vir die befondsing van publikasies
en dienste. CLF stel pamflette en bedieningsmateriaal in
verskeie tale vir bediening in en van gemeentes van die NGK-
familie beskikbaar. Die inhoud en fokus van die literatuur het
’n missionêr-diakonale gerigtheid en wil diens lewer in die
koninkryk van God.
Bedryfshoof: Christelle Vorster – [email protected]
Bestellings: Esther van Biljon – [email protected]
Kontakbesonderhede:
Christelike Lektuurfonds
Privaatsak X19 Wellington 7654
[phone]
[phone]
[email protected]
www.clf.co.za
3
NED GEREF
TEOLOGIESE
TYDSKRIF
DEEL 52 NOMMERS 1 & 2 MAART EN JUNIE 2011
VAN DIE REDAKSIE 7
ARTIKELS
1. BEKKER, CHRISTELLE & HENDRIKS, H JURGENS, Universiteit Stellenbosch 9
Die gemeente as huishouding van God
The congregation as God’s household
2. BEKKER, CHRISTELLE & PUNT, J, Universiteit Stellenbosch 22
Die huishouding van God volgens Jakobus: Onderweg na ’n patriargale identiteit.
The household of God according to James: Role models and friendship
on the route to a post-patriarchal identity
3. CLAASSENS, L JULIANA M, Stellenbosch University 34
Human dignity in the prophetic traditions. Upholding human worth
in a context of dehumanization
4. COERTZEN, P, Stellenbosch University 45
The Huguenots of South Africa. In history and religious identity
5. CONRADIE, ERNST M, University of the Western Cape 58
All theology is natural theology: The hermeneutic necessity of natural theology?
6. CONRADIE, ERNST M, University of the Western Cape 66
The necessity of natural theology? In conversation with John Calvin
on the human senses
7. DU PREEZ, JANNIE, Universiteit Stellenbosch 83
Net maar diere? ʼn Tematiese oorsig van die plek van die diereryk
in die skepping volgens geselekteerde Skrifgedeeltes
Only but animals? A thematic survey of the place of the animal kingdom
in God’s world according to some Scripture passages
8. HARTNEy, JNM, Universiteit Stellenbosch 94
Eksegeties-teologiese ondersteuning van die Belydenis van Belhar
Exegetic- theological analysis of some Biblical concepts in the Confession of Belhar
9. HENDRIKS, HJ & SOKO, LUKAS, Stellenbosch University 105
Pentecostalism and schisms in the Reformed Chursh in Zambia (1996–2001)
4 Deel 52 Nommer 1 & 2 Maart en Junie 2011
10. HOFMEyR, JW, en KRUGER, P, Universiteit van die Vrystaat 118
Boustene vir die toekoms van die NG Kerk (Deel III)
Directives of the future for the DR Church (Part III)

11. JONKER, LOUIS, Universiteit Stellenbosch 128
“Lewend en kragtig”? Die hermeneutiese dinamika en implikasies van
(her)interpretasie in die Ou Testament
“Alive and active”? The hermeneutic dynamics and implications of
(re)interpretation in the Old Testament
12. NELL, IA, Stellenbosch University 148
Embodied leadership: Paradigm shifts in the leadership of a local URC congregation
13. OLWAGEN, JM
Universiteit van Johannesburg
PUTTER, APJ, Noordwes-Universiteit (Potchefstroom-kampus) 161
Die liggaam-van-Christus-metafoor: bediening van die AGS-lidmaat op die voorgrond
The body-of-Christ-metaphor: Ministry of an AFM member on the foreground
14. PHILANDER, NC, Universiteit Stellenbosch 174
Die rol van die kerk as een van die instellings in die samelewing ten opsigte
van die morele vorming van mense
The church as one of the institutions in society plays an important role
in the moral development of people
15. PHILANDER, NC, Universiteit Stellenbosch 185
Enkele opmerkings oor die gestaltes en oorsake van die morele probleme in Suid-Afrika
A few remarks on the forms and causes of the moral problems in South Africa
16. PLAATJIES-VAN HUFFEL, MARy-ANN, Universiteit Stellenbosch 194
Die kerkreg en kerkregering van die NG Sendingkerk (1881–1915)
The church polity and church governance of the Dutch Reformed Mission Church
(1881–1915)
17. SAAyMAN, WILLEM, University of South Africa 204
Constituting the Synod of the Evangelical Reformed Church in Africa: The last racially
separated church in the Dutch Reformed Family of Churches
18. SMIT, GUILLAUME, Universiteit Stellenbosch 214
Prediking in ’n multimedia kultuur – homiletiese beginsels vir ’n interaktiewe
kommunikasiepraxis
Preaching in a multimedia culture – Homiletic principles for an interactive communication
praxis
19. VAN COLLER, EH, Rhodes Universiteit 225
Die betekenis van ‘godsdienstige organisasies’ of ‘geloofsinstellings’:
ʼn regvergelykende perspektief
The meaning of ‘religious organisations’: a comparative perspective
Inhoudsopgawe 5
20. VERHOEF, ANNÉ H, Northwest University 238
Trinity, time and ecumenism in Robert Jenson’s theology
21. VERHOEF, ANNÉ H, Northwest University 247
Robert Jenson’s ecumenical vision based on his Trinitarian thought
22. WEPENER, CAS, Universiteit van Pretoria 257
Nuwe tendense buite-om die erediens van die 21ste eeu.
ʼn Beskrywende liturgies-historiese en hedendaage verkenning.
New tendencies outside the worship service of the 21st century.
A descriptive liturgical-historical and current day exploration.
23. yOUN, HEE-KyUNG & MÜLLER, JULIAN C, University of Pretoria 272
A discussion about university education for Korean missionary children
REPLIEK
Konferensie oor versoening
NGTT, Deel 51, Nommers 3 & 4, September en Desember 2010
1. Truth or reconciliation? A response to Theo de Wit (V Roodt, US) 286
2. Facing evil: theological reflections (G Brand, US) 289
Riglyne vir die persklaarmaak van die NGTT 296
Guidelines for the preparation of articles for the NGTT
Riglyne vir keurders 298
Guidelines for referees
6 Deel 52 Nommer 1 & 2 Maart en Junie 2011
Van die redaksie
“Om ’n ou tradisie nuut voort te sit.”
’n Nuwe tydskrifredakteur moet hom (in hierdie geval is dit nie “haar” nie) oriënteer met betrekking
tot die oorsprong en geskiedenis van die publikasie waarvoor hy medeverantwoordelikheid
aanvaar. Ook en veral as hy tot op sekere hoogte ’n nuwe visie vir dié publikasie het, is dit
noodsaaklik dat aansluiting by die bydraes en strewes van sy voorgangers gesoek word. ’n
Historiese verhaal kan egter op verskillende maniere gekonstrueer en vertel word.
Die Nederduitse Gereformeerde Teologiese Tydskrif, wat in 1959 met behulp van die P De
Waal Neethling Trust tot stand gekom het, se oorsprong word dikwels teruggevoer na twee
voorlopers, Die Ou Paaie en Die Gereformeerde Vaandel, wat destyds as teenvoeter vir Johannes
du Plessis en andere se tydskrif Het Zoeklicht (later Die Soeklig) bedoel is. Die sogenaamde
Du Plessis-saak – wat daarop uitgeloop het dat Du Plessis nie meer aan die Kweekskool in
Stellenbosch kon klasgee nie – het gedraai om die persepsie dat Du Plessis en sy kring ’n liberale
teologie bevorder het waarin die gesag van die Bybel bevraagteken is.
Van die sake waaroor Neethling en ander sogenaamde “Oupajane” besorg was – byvoorbeeld
die idee dat die eerste vyf boeke van die Ou Testament nie deur Moses geskryf is nie, maar uit
verskillende bronne saamgestel is – is vandag nouliks omstrede, en word deur die meeste NG-
predikante en waarskynlik alle dosente aan die drie teologiese fakulteite wat ’n verbintenis met
die NG Kerk het, onderskryf. Die standbeeld van Du Plessis, wat destyds deur sy verontwaardigde
ondersteuners in Stellenbosch opgerig is om op ’n afstand as ’t ware verwytend na die Kweekskool
te kyk, is inmiddels as ’n simboliese versoeningsgebaar na die gronde van die teologiese fakulteit
self verskuif. Die geskiedenis stel dikwels ou konflikte in perspektief.
Dit is verder belangrik om in gedagte te hou dat die NGTT nooit amptelik of wetlik gesproke ’n
voortsetting van óf die Die Ou Paaie, óf die Vaandel was nie, maar in ’n tradisie van Stellenbosse
tydskrifte so ver terug as die 19de eeu staan. Die kerkhistorikus prof Pieter Coertzen het my
onlangs daarop gewys dat ds Abraham Faure, wat allerweë beskou word as die “vader” van
die Stellenbosse Kweekskool wat in 1859 gestig is, reeds in 1848 saam met Thomas Pringle en
John Fairbairn die Nederduitsch Zuid-Afrikaansch Tijdschrift (waarvan iets in die titel van die
NGTT resoneer) opgerig het. Dit moes as teenvoeter dien vir die destydse goewerneur van die
Kaapkolonie se inperking van die pers, maar was ook ’n uitvloeisel van Faure se passie vir die
onderwys. As sodanig het dit ’n vrydenkende en intellektuele gees geadem.
Teen hierdie agtergrond – en gesien die feit dat die NGTT tans, naas die reusebydrae van
die Neethling-trust deur die jare, ook indirek uit staatsubsidies en met die ondersteuning van
instansies soos die Fakulteit Teologie aan die US, die Christelike Lektuurfonds en BybelMedia,
instandgehou word – kan ’n mens sê dat die tradisie waaruit die tydskrif kom verder terug as
die Du Plessis-saak strek, en ook wyer raakpunte het. Ek wil my verstout om te sê dat ook Het
Zoekligt / Die Soeklig deel van daardie veelkantige tradisie uitmaak. Dit lê in die aard van tradisies
dat dit nie eenduidig is nie, maar deur interne teenstellings en die spore van veranderende
kontekste gevorm word.
Elkeen van die diverse publikasies wat tot die NGTT se historiese geheue behoort, sal steeds
die karakter en klemtone van die tydskrif moet begelei: identifikasie met die gereformeerde
tradisie, ’n verbintenis tot teologiese skoling, verbondenheid met die kerk en die Fakulteit
Teologie van die US, en waagmoedige intellektuele besinning.
In die huidige konteks moet die redaksie van die tydskrif uiteraard met nuwe uitdagings en
moontlikhede rekening hou, waarvan drie in die besonder aandag vereis:
Van die redaksie 7
• Die tydskrif se historiese verbondenheid met die NG Kerk moet gehandhaaf word, maar
dan met inagneming van die soeke na sigbare eenheid in die NG Kerk-familie, en die
Fakulteit Teologie van die US se ekumeniese strewe, wat onder meer gestalte vind in
ooreenkomste met drie kerklike vennote uit gereformeerde kring.
• Die tydskrif moet, in lyn met sy ryke historiese erfenis, steeds die belangrike rol speel
om meertaligheid in die teologiese en breër opvoedkundige en akademiese wêreld deur
die publikasie van Afrikaanse en Nederlandse artikels, naas die Engelse inhoud, voort te
sit, maar ook oorweging skenk aan die wenslikheid om nog meer tale (by name Suid-
Afrikaanse tale) te betrek.
• In ’n veranderende en uiters dinamiese publikasiewêreld moet die beskikbaarheid,
gehalte en profiel van die tydskrif deur optimale benutting van nuwe tegnologiese
moontlikhede, veral op die gebied van die internet, verder uitgebrei word.
Aan my voorganger, prof Coertzen, ’n hartlike woord van dank vir u jarelange leiding van die
tydskrif. Dit was ’n liefdestaak waardeur die genoemde waardes wat die tydskrif steeds sal
kenmerk, gedien en versterk is. Ook u voortgesette betrokkenheid, onder meer by die P De Waal
Neethling Trust, en die historiese kontinuïteit wat daardeur verseker word, word hoog op prys
gestel.
DR. GERRIT BRAND (REDAKTEUR)
JUNIE 2011
8 Deel 52 Nommer 1 & 2 Maart en Junie 2011
Bekker, Christelle & Hendriks, H Jurgens
Universiteit Stellenbosch
Die gemeente as huishouding van God1
ABSTRACT
The congregation as God’s household
The article is an eco-feministic interpretation of James. It has the following
hypotheses: the transformation of the patriarchal family is the key to the
transformation of society. If friendship is the baseline structure of the relationship
between people who understand their identity as being the missional body of Christ,
equality and hospitality will result, creating space for congregations to be places
where healing can take place and people can experience freedom. The concept
household is defined and the implications of being a household of God, based on key
concepts in James, provide more than twenty parameters for a theory of ministry.
1 INLEIDING EN HIPOTESES
Ekofeministe werk met die uitgangspunt dat daar ’n direkte verband bestaan tussen patriargale
kulture oor die algemeen en die onderdrukking van vroue en die natuur (Radford Ruether
2003:24). Androsentriese en patriargale denkraamwerke (veral binne die Christelike geloof)
bly voortbestaan in die denke van mense, dwars oor die wêreld (Brock 1988:43, Nakawombe
1996:42) – ook in Afrika (Njoroge 1996:11).2 In so ’n samelewing het mense gewoond geraak aan
die feit dat vroue afhanklik moet wees.3 Ook vroue het die geldigheid van denkraamwerk aanvaar
en pas hul lewens daarvolgens aan (Carlson-Brown & Parker 1989:1). Die arbeidsmark het reeds
vordering gemaak om diskriminasie teen vroue uit te skakel, maar tog het die onderdrukking
van vroue nog nie opgehou nie (Bloomquist 1989:64-65). Patriargie is diep gewortel in die
samelewing en die menslike werklikheidsverstaan. Hierdie denkraamwerk word steeds telkens
ook deur die kerk versterk4 en deur die patriargale gesin in stand gehou. Hoewel patriargie nie
1 Hierdie artikel is gebaseer op die skrywer se doktorale proefskrif (Bekker 2010). Prof HJ Hendriks was
die promotor.
2 Juma (2007) berig byvoorbeeld dat ’n onlangse opname in Kenia, die volgende bevind het: 50% van
die manlike deelnemers verkies vroue wat minder as hulle verdien en 35%, vroue wat dieselfde verdien
as hulle. 50% Verkies vroue wat deeltyds werk en 39%, vroue wat voltyds werk. Gladwin (1991:8)
berig dat mans weier om aan die verbouing van voedsel vir die huishouding deel te neem, omdat dit as
“vrouewerk” beskou word.
3 Dit laat vroue dikwels magteloos om hulle omstandighede te verander. Meer as twee derdes van die
wêreld se onbetaalde werk word deur vroue gedoen. Vroue in Afrika is verantwoordelik vir arbeid
ten opsigte van lewensonderhoud en die versorging van alle familielede. Sy is verantwoordelik vir
voedselvoorbereiding, versameling van hout en water, versorging van kinders ensovoorts wat tyd-armoede
tot gevolg het en onder andere die bestryding van armoede strem. Tydens die siekte of dood van vroue
neem ander vroue hierdie taak oor. Dit word meestal gedoen sonder om oor die rede hiervoor na te dink.
Ook geweld en onderdrukking word as “onafwendbaar” verdra. Geweld en onderdrukking hou gevolge op
psigologiese vlak vir vroue in, wat bydra tot vroue se magteloosheid om medeverantwoordelikheid vir die
samelewing te aanvaar.
4 ’n Voorbeeld van die handhawing van die patriargale denkraamwerk word gevind in die reeks: “Families
Die gemeente as huishouding van God 9
die enigste euwel is wat vir onreg en pyn verantwoordelik is nie, is dit in die Christelike godsdiens
’n wesenlike faktor (Brock 1988:43, Nakawombe 1996:42). Brock (1988:3) plaas die patriargale5
gesin in die sentrum van haar nadenke oor die Christelike geloof, omdat sy oortuig is dat die
transformasie van die patriargale gesin die sleutel is tot die transformasie van die samelewing. Sy
is oortuig dat konsepte rakende ras, klas en gender binne die huishouding vorm aanneem. Hierby
kan die verstaan van die mens as deel van die skepping gevoeg word. Die huishouding staan in
direkte verband met die mens se vorming van verhoudings. Die rede hiervoor verduidelik Baron
en Bryne (2000:305) as volg: “Most parent-child interactions have later implications, because
the family is the setting in which each of us learns how to deal with other people. Even the way
in which parents play with their children provides youngsters with information about how to
interact with others, thus enabling them to engage in cooperative play later on with their peers.”
Hierdie visie vra ’n fundamentele herdink van elke soort verhouding binne die hedendaagse
gesin, wat sentraal staan binne meeste huishoudings (oikoi).
Deur die interpretasie van Jakobus kan die vorming van ’n nuwe identiteit en
werklikheidsverstaan voortkom wat eerder fokus op die handelinge van die gestuurde as die
individu se plek in die huishouding (oikos). Hierdie identiteit sal meewerk daartoe dat daar nie
van mense verwag word om aan sekere rolverwagtings op grond van geslag te voldoen nie (wat
dikwels lei tot onderdrukking en daartoe bydra dat mense nie individualiseer nie). Vriendskap
as basis vir alle verhoudings van gestuurdes bring gelykwaardigheid en gasvryheid na vore as
sentrale waardes binne die geloofsgemeenskap. Op hierdie wyse kan alle mense versorg word,
omdat gasvryheid sal bydra daartoe dat niemand sonder huishouding sal wees nie. As deel van
die transformasie van die gemeenskap stel die interpretasie van Jakobus sekere helende en
bevrydende prosesse voor, soos die heling van dit wat mense se lewenskwaliteit inperk. Dit sou
gepaard gaan met die emosionele heling van mense deur “emosionele uitlaatkleppe” (Jakobus
3:13-15). Die heling van mense kan bydra tot die heling van die skepping.
in die kragveld van die Gees” wat vir Pinkster 2008 vir die NG Kerk opgestel is deur Johan Pienaar, in
samewerking met Marina Strydom, Kobus Myburgh, Colin Goeiman, Ernst Endres en Willem Pretorius.
Hierin word die volgende oor die huwelik gesê: “Murray Janson skryf êrens aangrypend dat vir die vrou
die woord “onderdanigheid” ten diepste beteken om ’n dak oor haar lewe te hê. God sê vir die vrou dat
sy haar man as ’n dak moet beskou wat Hy oor haar geplaas het om haar te beskerm. Die man moet
haar dien deur vir haar ’n dak te wees! Sy moet die man dien deur hom toe te laat om vir haar ’n dak te
wees. Met die besluite wat haar man neem, die rigting wat hy aandui en die leiding wat hy gee, moet hy
sorg dat sy maksimaal kan groei. Soos die gemeente aan die Here onderdanig is en Hy hulle beskerm,
so moet die vrou na die man kyk en vir hom sê: “Ek wil nie buite jou om en los van jou beweeg nie. Ek
wil nie op my eie wees nie. Kom en beskerm my, asseblief. Ek waardeer jou as die dak oor my lewe!”…
“Liefde is vir die man om vir sy vrou te sê: “Toe ek jou die dag voor die kansel ontvang het, was jou
lewe ses en sewentig persent reg. Ek gaan jou so dien, jou so liefhê, so met jou praat, so oor jou dink en
so met jou werk dat wanneer ek jou die dag vir die Here teruggee, jy vyf en tagtig persent geword het.
Dít is die liefde wat die Here van ’n man verwag” (Pienaar et al 2008). ’n “Daniël-konferensie” word
ook byvoorbeeld in die eerste kwartaal van 2010 in die Weskaap gehou en word as volg beskryf: “As
ons kyk na hoe God wil hê dat ons manne teenoor ons gesinne en families moet optree dan kan ’n mens
duidelik die rolle sien van ’n Koning – wat in liefde regeer, ’n Priester - wat intree by God vir sy gesin en
die leiding neem geestelik en ’n Profeet - wat as leier voor stap in die rigting wat God se wil is (NG kerk
Proteahoogte 2010).
5 Ackermann, Draper en Mashinini (1991:130) omskryf patriargie as volg: “Patriarchy is the power of the
fathers; a familial, social, ideological system in which men – by force, direct pressure, or through ritual,
tradition, law and language, customs, etiquette, education and division of labour – determine what part
women shall or shall not play, and in which the female is everywhere subsumed under the male.” Hoewel
die “beheer van die vaders” dalk nie meer so algemeen vandag is nie, is die oorheersing van vroue deur
mans wel algemeen (Edley en Wetherell 1995:123, Nakawombe 1996:42).
10 Deel 52 Nommer 1 & 2 Maart en Junie 2011