gulang, Pilipino, may asawa, inmate ng Building 14, New Bilibid Prison (NBP)

19 Pages·2016·2.34 MB·Tagalog

.•
SINUMPAANG SALAYSAY
Ako si JAYBEE NJ::A'O MANICAD SEBASTIAN, 36 taong
gulang, Pilipino, may asawa, inmate ng Building 14, New Bilibid
Prison (NBP) na may Prison No. N2091132, pagkatapos
makapanumpa nang sang-ayon sa ipinag-uutos ng batas ay
malaya at kusang loob na nagsasaad at nagtatala ng mga
sumusunod:
1. Nakulong ako noong taong 2001 sa salang kidnapping
at carnapping sa NBI Detention Cell sa loob ng isang buwan at
nilipat sa Manila City Jail. Pagdating ko sa Manila City Jail, ang
Sigue Sigue Commando ay walang sariling Brigada dahil
nagkaroon daw ng riot noong 1997 na ikinamatay ng marami kaya
nagpasya ang pamunuan ng BJMP na tanggalan ng dormitories
ang Sputnik at Commando at paghiwa-hiwalayin sila sa lahat ng
Dormitories ng Manila City Jail.
2. Ikalawang araw ng aking pananatili sa Manila City Jail
ay nabigyan ako ng katungkulan ng aking mga kakosa sa a.ming
pangkat bilang Over-all Adviser ng Sigue Sigue Commando.
Pagkalipas ng dalawang linggo mula nung dumating ako sa Manila
City Jail, pinakiusapan ko ang Warden noon na si Warden Ogoy na
para malingap ko at madisiplina na rin ang aking mga kakosa
ako'y humiling sa kanya na bigyan na din kami ng donnitoryo para
sama-sama kami dun ng aking mga kakosa at agad naman akong
pinaunlakan at binigay sa amin ang Dorm 13 at Dorm 14. Yan ay
nagbigay ng biglaang popularidad sa akin sa a.ming samahan.
3. Dito ko nakita kung ano ang mga pangangailangan ng
mga bilanggo mula sa maayos na tulugan, palikuran, lutuan at
mga silid kung saan namin tatanggapin ang aming mga bisita na
kinakailangan naming ipagawa ngunit wala kaming pagkukunan
ng pondo dito. Bagamat noong una ay mahigpit na pinagbabawal
ang pagbebenta at paggamit ng shabu sa aming pangkat, nang
dahil sa may katigasan ang ulo ng aking mga kakosa na patagong
bum.ill ng shabu sa ibang pangkat na madalas pang pagsisimulan
ng away, napagpasyahan ng mga nanunungkulan ng Commando
na magpasok at magbenta narin ng shabu sa a.ming mga
dormitoryo upang maiwasan na ang kaguluhan.
4. Ang pagbebenta ng mga kontrabando, alak, marijuana
at shabu ay isa rin sa napagkasunduan na paraan upang makapag
fund raising. Sa madali't salita nakalipas ang ilang buwan,
naipatayo namin ang a.ming mga pangangailangan ngunit tuloy
tuloy pa din ang problema sa pangangailangan sa gamot, may
;
namatay, nagkasakit, pag may okasyon at pambili ng armas ng
pangkat pamproteksyon.
5. Nagpatuloy ang ganitong gawain at tuluyang napaganda
ang pasilidad ng commando sa tulong na din ng mga VIP Inmates
(Chinese).
6. Taong 2004 o 2005, nagkaroon ng malaking searching
at nahuli ang mga armas at kontrabando ng Sigue Sigue
Commando. Inilipat kami kasama ang dalawang kapwa kong
nanunungkulan sa Bicutan Jail-Manila Sector.
7. Ako ay nanungkulan bilang SPOKESPERSON sa lahat
ng gang. Naging aktibo ako sa lahat ng programang pang
repormasyon sa BJMP. Sa ilang taong pamalagi ko sa Bicutan Jail
ay nakita ko parin na ang number 1 na pinagkukunan ng pondo ng
lahat ng pangkat ay ang pagbebenta ng shabu.
8. Taong 2009 akoy nahatulan at nilipat sa Maximum
Security Compound ng New Bilibid Prison sa Lungsod ng
Muntinlupa. Sa pagdating ko, lumapit sa akin ang mga kakosa ko
na gu~tong umayos ang pan_gkat dahil ang mg~ nanunungkulan
daw ay sunod-sunuran sa mga intsik katulad ni Peter Co at
Vicente Sy. Ayon sa kanila kapag gusto daw ipalipat ang mga
kakosa ko sa medium o kolonya ay agaran silang napapalipat dahil
malakas sa Director at Superintendent ang mga Chinese.
9. Makalipas ang tatlong buwan, ako ay naitalaga bilang
mayor nang Sigue-Sigue Commando sa Dorm 28. Nakita ko ang
problema at mga kakulangan sa dormitoryo kaya pinaayos ko ang
kakulangan sa dormitoryo sa pamamagitan nang personal ko na
pera. Di naglaon tumulong din ang mga Chinese inmates sa
dormitory at ibinalik din nila ang personal kong nagastos.
10. Makalipas ang anim na buwan na pamamalagi ko sa
Maximum Security Compound, ako ay binuto nang a.king mga
kakosa bilang Commander ng Sigue-Sigue Commando. Sa mga
panahon na yon maituturing na mayaman ang Commando dahil
marami kaming Chinese High Profile Inmates na involve sa
pagbebenta ng shabu, malaya silang makikipag-deal kahit kanino
at malaya silang nakikipag-transaksyon sa pamamagitan ng
cellphone sa loob at labas ng Bilibid.
11. Mula 2009 hanggang 2011 kanya-kanyang buhay ang
mga pangkat, kanya-kanyang negosyo ng shabu, kanya-kanyang
pagpapaganda nang brigada at kanya-kanyang pundar ng armas at
mga iba pang kontrabando.
12. Unang pagkakataon na nagkita kami ni Secretary De
Lima ay sa panahon ni Director Diokno, pinag-usapan namin ang
issue sa kubol kasama ang ilang gang leaders ng maximum, Supt.
Reyes, Farinas, Congresman Topaz, Atty. Acosta ng
Congre~sman
PAO at marami pang iba. Dito ko unang beses na nakausap ng
matagal si Sec. De Lima sa harap ng mga taong nabanggit. Sa
panahong iyon, nag-order siya na wasakin lahat ng kubol at
habang kinakausap ko siya nagsimula nang gibain ang mga kubol.
Pero pagkatapos kong magpaliwanag ng kahulagan ng kubol ay
dali-dali syang tumakbo sa mga ginigiba at siya na mismo ang
umawat dito.
13. Taong 2011 sa panahon ni dating Director Pangilinan,
ako ay na-appoint bilang head ng presidio, over-all inmate
coordinator ng Bucor Events Management Staff, over-all
coordinator ng Bilibid Television 3 at naging aktibo sa programa ng
Bureau of Corrections. Pagkakataon ko na ipinamalas ang aking
kakayahan na makuha ang kooperasyon ng lahat ng
nanunungkulan sa bawat pangkat at natuwa ang director sa bilis
at kaayusan ng pagtupad ng kanyang direktiba. Si Director
Pangilinan ay hands on ang istilo at masipag na umiikot siya
mismo mula 5:00am ng umaga hanggang gabi, mga sa issue ng
mga bisita o dalaw hanggang sa kaayusan ng pagkain naming mga
pre so.
14. Matapos ang pamumuno ni Director Pangilinan, ipinag
utos ni Sec. Leila De Lima na ipatapon ang lahat ng commander sa
Medium bartolina sa dahilan ng pagsabog ng granada sa
Maximum. Ako ang kahuli-hulihang ibinalik sa Maximum Security
Compound.
15. Pagbalik ko galing ng Medium Bartolina ay pinuntahan
ako ni Sec. De Lima sa opisina ng Sigue-Sigue Commando para
kamustahin ang aking pamilya at tinanong niya ako kung may
droga pa ba sa Maximum at ang sagot ko ay "konti na lang po
Mam dahil magaling si Super Ayala".
16. Ang tumulong sa akin na makausap si Sec. De Lima ay
si Junel Sanchez. Nakilala ko siya sa tulong ni Ka Victor ng
Sputnik dahil ang anak niya ay kaibigan ni Junel.
17. Habang kami ay nag-uusap, may nag-text kay OIC
Ragos na "isang concern inmate po, pag-alis ng dalaw mamaya
papatayin ni Jaybee Sebastian si Peter Co." Tinanong ako ni Sec.
De Lima kung ano yan, sinagot ko na "marami talagang naninira
sa akin." Sa punt ong iyon ay umalis si OIC Ragos.
18. Habang kaming tatlo ni Junel at Sec De Lima ay
nagkwentuhan, may mga pagkakataon na nakita ko silang dalawa
na nagholding hands at narinig ko na tinawag ni Sec De Lima si
Junel Q.a sweetie. Sa puntong iyon, doon ko napagtanto na sila ay
may relasyon.
19. Noong umalis na sila Junel at Sec De Lima, may
nagsumbong sa akin na isang dalaw na habang bumisita at kausap
ko si Sec. De Lima sa aming opisina sa Sigue-Sigue Commando ay
nagpasayaw ng mga babae ang bagong spokesperson ng
commando. Kaya sinumbong ko kay Junel Sanchez sa pamagitan
ng text na "Sir nandito kayo kanina, yung bagong spokesperson ng
commando nagpapasayaw ng boldshow nagreklamo sa akin ang
mga dalaw" Pagkalipas ng ilang sandali ay nakatanggap ako ng text
mula kay Junel at ito ang laman ng kanyang text sa akin, "Sweetie
ito tex ni jb Sir nandito kayo kanina, yung bagong spokesperson ng
commando nagpapasayaw ng boldshow nagreklamo sa akin mga
dalaw" Hindi rin nagtagal, nakatanggap ako ng isa pang text
message galing kay Junel at sinabi nya sa akin sa text message na
"wrong send" Dahil sa text ni Junel, nabuo sa isipan ko na siya ay
mayroong espesyal na relasyon kay Sec De Lima.
20. Noong taong 2013, inappoint si Herbert Colangco, alyas
"Amp ang", bilang Over-all Spokesperson ng Maximum at ito ay
naganap lima o tatlong araw bago umalis si Ragos. Dahil dito
kinausap ko si OIC Ragos dahil alam ko na hindi masyadong
nakapag-aral si Herbert, hiniling ko na ako ang mag-represent
dapat sa Presidio.
21. Nag-bigay ng revocation order ang Bucor kay Ampang
as Overall spokeperson at naghati ang presidio at carcel. Doon na
nagsimula ang alitan namin ni Ampang dahil iniisip nya na
nilinlang ko sya.
22. Dumating sa pwesto si Director Bucayo, muling binuo
ang council of elders at ako'y hinalal ng lahat ng commanders para
maging chairman ng council of elders. Ngunit hindi pumayag si
Colangco, gumamit sya ng koneksyon, sina General Pacinos at
Congressman Pichay at muli na namang nahati ang bilibid. Sa
kanya ang carcel at akin ang presidio as overall chairman of
council of elders at dito na nagsimula ang lahat ng kaguluhan sa
paglaganap ng droga.
23. Halos lahat ng Chinese drug lords ay nakikipag-negosyo
sa mga drug traders na Pilipino mula Luzon, Visayas at Mindanao
na nakakulong sa Maximum Security Compound. Si Clarence
Dongail na isang dating pulis na nakakulong sa Maximum Security
Compound ay nagbibigay ng tulong sa mga Chinese o mga Pilipino
drug traders na nahuhuli sa labas kapalit ng pera o suhol.
24. Dahil halos lahat ng bilanggo ay madaming pera galing
sa droga kasabay ng pagluwag sa patakaran sa panahon na ito,
sabay-sabay nagpasukan lahat ng kontrabando, baril, alak,
bababe, aircon, golf cart, motor at marami pang iba.
25. Isang gabi ng panahon ding iyon, nagbarilan ang
pangkat ng Sigue-Sigue Sputnik at Happy Go Lucky at dahil ako
ang leader ng presidio, kasama ko noon si COG Magan at sa gitna
ng putukan ay aming pinag-tulungang awatin ang nagpapalitan ng
putok ng nasabing pangkat. Natigil ang putukan at nailabas ang
mga sugatan.
26. Ayon sa imbestigasyon, ang kaguluhan ay nagmula sa
alitan sa sugal at pagbunot at pagpapaputok ng baril ng isang
bilanggo na miyembro ng Sputnik. Ang taong ito ay nailipat sa
Medium Security Compound. Ngunit makalipas ang tatlong araw
ay muling ibinalik sa Maximum Security Compound. Dito na ako
nagsimula na mawalan ng gana at tiwala sa BUCOR dahil ang
palitan ng putok na ito ay kumitil ng buhay ng isang inosente,
isang pastor o bantay ng simbahan na miyembro ng Happy Go
Lucky.
27. Dahil sa lagayan o corruption sa opisina ng BUCOR sa
panahon na ito, wala ng disiplina at hustisya ang kapwa ko
bilanggo. Dagdag pa nito ay ang pakikialam ni Secretary De Lima
katulad ng pagtransfer ng Brigada 9A at paraan ng pagdidisiplina
namin sa mga kakosa at ang pagbartolina sa amin na mga
commander tuwing kami ay magrereklamo upang ayusin ang
pagkain naming mga inmates. Kapag hindi sipsip kay Secretary De
Lima ang Director, tulad ng nangyari kay Director Pangilinan, ay
tanggal kaagad pero kapag sipsip sa kanya kahit anong palpak
andiyan pa rin.
28. Ito ang dahilan kaya ako ay nag-resign bilang leader ng
Presidio, ako ay nanahimik at hindi na naging aktibo sa programa
ng BUCOR at tumutok na lamang sa pamamahala ng Bilibid
Tevesion 3 (BTV3), na ang mission lang ay makapaghatid ng
mahahalagang balitang kaugnay sa loob ng Bilibid, mga polisiya ng
kinauukulan at mga impormasyong tungkol sa hanapbuhay at
entertainment.
29. Sa panahong ito, saksi ako sa paglaganap ng katiwalian
sa BUCOR. Halos lahat ng mga lider ng mga pangkat ay sangkot sa
illegal drug trade sa Bilibid. Ang aking kakosa na kilala ko lang sa
pangalang "Direk" ay saksi na ang mga gang leaders at mga drug
lords sa Maximum Security Compound ay nagbibigay ng pera o
payola kay Herbert Colangco para makarating kay DOJ Secretary
De Lima sa pamagitan ni Junel Sanchez.
30. Gusto ko pong linawin at pasinungalingan ang mga
balita o paratang na ako diumano ay untouchable at malakas kay
Secretary De Lima. Ang totoo po ay si Colangco ang siyang tunay
na malakas sa BUCOR at kay DOJ Secretary De Lima. Bilang
patotoo nito, nagagawa niyang magpasok ng lahat ng kontrabando,
babae, alak, mga matataas na kalibreng baril, mga mamahaling
gamit at magpasimuno ng ibat-ibang sugal (tulad ng dais, sabong
aktuwal at online at marami pang iba) sa loob ng Bilibid kung saan
ang pustahan nila ay milyun-milyong piso halos araw-araw,
kasama na dito ang paggawa ng halos linggohang concert ni
Colangco kung saan nagpapapasok siya ng truck-truck na beer at
mga tao na galing sa labas ng Bilibid upang manood ng kanyang
concert.
31. Tahasan niya ring ipinagyayabang sa aming mga
kakosa sa maximum na malakas siya kay Secretary De Lima dahil
kapartido nya sa Liberal Party ang kanyang girlfriend na si Nova
Parojinog na Bise Mayor at ang tatay nito pa si Mayor
is~ng
Parojinog ng Ozamis City.
32. Pinatawag ni Ampang ang lahat ng mga Pilipino na
nagnenegosyo ng shabu sa bilibid at kinukuhaan ng litrato kasama
ang kanilang mga asawa upang kanyang ipapatay ang kanilang
mga asawa sa labas sakaling hindi makapagbayad sa binigay
niyang shabu sa kanila. Ito ang dahilan kung bakit siya ang nasa
top matrix na ipinipresenta ng ating Pangulo. Kanya ring inuobliga
ang mga Pilipinong Drug Lords na bumili ng CD ng music album
niya sa kabuuhang halagang Twenty Thousand Pesos hanggang
Forty Thousand Pesos kung kaya't nagplatinum ang kanyang
music album.
33. Nagpatuloy ang katiwalian sa Bilibid hanggang sa
dumating ang araw ng pag-raid sa bilibid noong ika-16 ng
Desyember taong 2014 na pinangunahan ni DOJ Secretary De
Lima kasama ang ibat ibang sangay ng gobyerno.
34. Dito na nagsimula ang napakalaking problema na
pinagdaanan ko at ng aming pamilya hanggang sa ngayon. Ako'y
napagbintangan na nagbigay impormasyon sa mga kinauukulan na
syang naging dahilan ng raid at paglipat ng tinaguriang "BILIBID
19" sa piitan ng NBI.
35. Tatlong araw matapos ang nasabing raid, kami ay
nagkausap ni Junel Sanchez at isa sa aming napag-usapan ay
"tutal naman ako lang and naiwan sa Maximum Security
Compound tulungan ko raw sa pondo sa darating na eleksyon si
DOJ Secretacy". Pagkatapos naming mag-usap ay sumagi sa isipan
ko na akala ko na iniwan nila ako sa Maximum Security
Compound at hindi isinama sa paglipat ng mga tinaguriang Bilibid
19 dahil iba ang pagtingin sa akin ni Secretary De Lima at ng
BUCOR dahil mas displinado ako kumpara sa ibang mga inmate
leaders na kasama ko na nakakatulong sa peace and order sa
Bilibid pero sa bandang hull ganun din pala ang pakay nila sa akin
na paglilikumin din pala ako ng pondo para sa eleksyon ni
Secretary De Lima katulad sa ginawa sa kanila.
36. Ilang araw bago magpasko, ako ay nagbigay kay Junel
ng dalawang milyon sa opisina ko mismo at saksi po nito ang
kapwa ko bilanggo na si Catapang.
37. Kinabukasan tumawag sa akin si Junel at sinabi niya
na "PARE MAY KAKAUSAP SAYO NAKALOUD SPEAKER KA". May
narining ako sa kabilang linya na hoses ng babae na kaboses ni
Secretary De Lima at sinabi nya sa akin na "JAYBEE MERRY
CHRISTMAS" at sumagot naman ako na "MERRY CHRISTMAS DIN
PO MAM, NATANGGAP NYO PO BA ANG REGALO KO SAYO? at
sumagot naman si Secretary na "YES JAY BEE, MERRY
CHRISTMAS".
38. Noong January 8, 2015, humigit kumulang alas 8:00 ng
umaga nagtext sa akin si Junel at sinabi niya na pupunta si SOJ
sa NBP sa araw din na iyon upang mag command conference.
Sinabi niya rin sa akin na maghanda ako ng pera para sa napag
usapang pondo sa eleksyon at ito daw ay iabot ko nalang sa kanya.
Na agad akong naghanda ng dalawang milyong piso (P2M) at ito ay
nilagay ko sa isang paper bag. Habang ako ay naghihintay na
ipatawag ni Junel at ni Secretary De Lima ay may naghagis ng
granada malapit sa lugar ko na syang naging dahilan ng
pagkamatay ng isa sa aking mga kakosa at pagkasugat ng
labingsiyam ( 19) sa kanila.
39. Noong araw din na yun ay dumating si Secretary De
Lima at pinatawag niya kaming mga commanders at binigyan kami
ng dalawang (2) oras na ultimatum upang alamin kung sino ang
naghagis ng granada. Makalipas ang dalawang oras ay pinag-utos
ni Secreatary De Lima na, maliban sa akin, lahat ng mga
commanders ng gang ay ilipat sa Bartolina.
40. Na habang kaming mga commander ay nag-uusap
tungkol sa nasabing direktiba ng kalihim, ako ay sinundo ng isang
prison guard at sinabi sa akin na paakyatin daw ako sa opisina ni
Director Bucayo dahil kausapin daw ako ni Secretary De Lima. Na
pumunta kaagad ako sa opisina ni Director Bucayo bitbit ang
paper bag na may lamang dalawang milyon.
41. Pagdating ko sa Director's Office ay sinabihan ako ng
isang staff na antayin ko nalang si Secretary De Lima sa loob ng
opisina ni Director Bucayo. Makalipas ang humigit kumulang
kalahating oras ay pumasok si Secretary De Lima sa opisina ni
Director Bucayo at kinausap ako tungkol sa paghagis ng granada.
42. Sinabi ni SOJ sa akin na ililipat nya sa bartolina ang
mga commander ng mga gang ngunit ako raw ay maiiwan sa
maximum habang iniimbestigahan ang insidente. Nakiusap ako sa
kanya na baka maari kaming pagbigyan na huwag nalang ilipat sa
bartolina ang mga kasamahan kong mga commander kapalit ng
aming pagtulong sa pagresolba sa nasabing insidente at pagtulong
na din sa pagresolba sa iba pang problema sa BUCOR. Sinabi ko
rin sa kanya na lalong magagalit sa akin ang aking mga kakosa at
kapwa commander kung sila ay ililipat sa bartolina at ako lang ang
maiiwan. Dahil sa aking pakiusap, pumayag si Secretary at sinabi
sa akin na hindi na dapat maulit ang ganoong pangyayari.
43. Noong paalis na ako, sinabi ko kay Secretary De Lima
na "Mam may ibigay ako sayong pera, paano to? Kay Junel ko
ba iabot ito? Sumagot naman si Secretary De Lima na "Hindi ko
kasama si Junel ngayon, iwan mo nalang dyan".
44. Makalipas ang dalawa o tatlong linggo, mayrong
lumutang na isang meyembro ng Sigue-Sigue Sputnik na
nagsasabing alam niya kung sino ang nasa likod ng pag hagis ng
granada at di umano ayon sa imbestigasyon, isa sa mga bilanggo
na dinala sa NBI ang utak at nag-utos sa pagpapasabog ng
granada.
45. Napagkasunduan din ng mga commander sa mga
panahon na ito na talikuran na ang nakasanayan at tradisyon ng
Gang at napagkasunduan na kami ay kikilos ng naaayon sa mga
alintuntunin ng isang barangay sa malayang lipunan at ang aming
samahan ay tinawag ng LlGA NG MGA BARANGAY SA BUCOR.
46. Noong bandang katapusan ng buwan ng Pebrero taong
2015, ako ay muling kinausap ni Junel at sinabi sa akin na
nagtatanong si Secretary kung ano na ang status ng napag-usapan
naming tulong para sa pondo sa eleksyon niya at sinabi ko sa
kanya na malaki pa kasi ang problema sa Maximum kaya hindi
ako nakapag-comply.
46. Simula ng buwan ng Marso hanggang Mayo taong 2015
ako ay nakapagbigay ng kabuuhang halagang sampung milyong
piso kay Junel para sa pondo sa darating na eleksyon ni Secretary
Leila De Lima hanggang sa sinabi niya sa akin na 5M na ang
monthly quota ko. Sinabi ko kay Junel na mahirapan ako dahil
nandoon na sa NBI ang mga kakosa kong mga Chinese drug lords.
Sumagot si Junel na baka magalit sayo si SOJ ikaw pa naman ang
isa sa mga inaasahan nya para sa paglikum ng pondo.
4 7. Na noong hindi ko naibigay kay Junel ang nasabing
quota sa buwan ng Hunyo at Hulyo, naging usap-usapan na sa
Maximum na ako daw ay ililipat sa building 14, kasama ng mga
"Bilibid 19". Na agaran kong tinawagan si Junel ngunit hindi niya
na sinasagot ang aking mga ta.wag.
48. Sa aking pangamba na ako ay ililipat sa Building 14,
kinausap ko ang aking asawa upang kumuha ng abogado para
mapigilan ang nakaambang paglilipat sa akin. Noong ika-27 ng
Agosto taong 2015, sumulat and aking abogado na si Atty. Lorna
Kapunan kay BuCor Director Ricardo Rainier Cruz upang hilingin
na huwag akong ilipat sa Building 14 dahil manganganib ang aking
buhay doon. Kalakip dito ang kopya ng nasabing sulat na may
markang Annex "A".
49. Na kinausap din ng aking abogado si Superintendent
Richard Schwarzcopf ngunit sinabi ni Super sa aking abogado na
tanging si Secretary De Lima lamang ang pwedeng makapigil sa
aking paglipat sa Building 14. Kalakip dito ang kopya ng sulat ni
Director Cruz na may markang Annex "B" kung saan ay kanyang
inamin na si Secretary Leila De Lima ang nag-utos na ako ay ilipat
sa Building 14.
50. Noong ika-6 ng Oktubre taong 2015, sumulat ang aking
abogado kay Secretary Leila De Lima upang hilingin na payagan
nalang akong manatili sa Maximum Security Compound dahil
manganganib ang aking buhay kapag ako ay ilipat sa Building 14.
Kalakip dito ang kopya ng nasabing sulat na may markang Annex
"C".
51. Sa kabila ng aking paki-usap na huwag akong ilagay sa
Building 14 dahil ako ay nangangamba sa aking kaligtasan, ako ay
sapilitang nilipat pa din doon sa Building 14 o Special Housing
Unit (SHU) na diumano isang pasilidad na ginawa ng BUCOR para
sa mga high profile inmates para hindi na makagamit ng cellphone
para sa illegal drug trade at hindi na makapagpasok ng mga
kontrabando.
52. Ngunit ito ay salungat o kabaliktaran sa aking
nasaksihan. Makalipas ang isang buwan nung ako ay dumating sa
Building 14 unti-unti itoy naging nagluwag hanggang sa naging
sobrang luwag. Lahat ng kontrabando nakapasok muli, mula sa
cellphone, alak, laptop, sugal, maging panabong na manok, babae
at milyun-milyong pera ay labas pasok sa Building 14 at nag
mistulang lahat ng may kinalaman sa drug trade ay pinagsama
sama lamang sa Bldg.14 upang mas maluwag makagalaw at
makapagnegosyo ng shabu.
53. Dito ko din nasaksihan ang sunod-sunod na nahuhuli
na mga bodega ng mga Chinese drug lords, 150kgs., 180 kgs., 300
kgs. diumano ngunit malayo ito sa ipinapakita sa telebisyon o
media, hindi idinideklara ang tunay na dami ng nahuli sa media.
54. Napag-alaman ko na inutusan ni Clarence Dongail ang
mga Pilipinong druglords sa Building 14 na bumili ng shabu sa
mga Chinese High Profile Inmates na nakakulong sa Building 14
upang malaman ang kanilang mga bodega ng shabu at ito ay
kanyang ipa-raid or ipahuli sa mga NINJA COPS, na ayon din sa
isa sa aking kasama sa Building 14 na ito raw ay mga galamay ni
Clarence Dongail.
55. Ang mga shabu na nasamsam o nakumpiska galing sa
mga bodega ng mga chinese druglords ay kanilang paghati-hatian
ang malaking porsyento nito at muling ibenta sa publiko. Ito ang
tunay na dahilan kung bakit lalong lumaganap ang droga sa
Pilipinas.
53. Napag-alaman din namin nina Peter Co at Tony Co ang
mga gawain ng mga ninja cops na mga galamay ni Clarence
Dongail kaugnay sa raid na nangyari sa isang bodega ng shabu sa
Mecauayan, Bulacan kung saan si Clarence Dongail ang
nagpatrabaho nito garnit ang kanyang mga galamay na mga ninja
cops at pagkatapos ng raid ay maiilt lamang ang kanilang
idineklara na nakumpiskang shabu at malaking pursyento nito ay
kanilang pinagparte-partehan.