Table Of ContentDIKISHINALI
SiLozi-SiLozi
Bostor Mundia Mwendende
CASAS BOOK SERIES NO. 78
The Centre for Advanced Studies of African Society (CASAS)
P.O. Box 359
Rondebosch 7700
Cape Town, South Africa
CASAS Publications can be ordered from our website www.casas.co.za
© Bostor Mundia Mwendende
First Published 2010
ISBN No. 978-1-920287-06-1
All rights reserved. No part of this publication may be reproduced, stored in a
retrieval system, or transmitted in any form or by any means, electronic,
mechanical, photocopying, recording, or otherwise, without prior permission of
the copyright holder.
This publication was produced with the generous support of Norad
Printed by S@ Printing Solutions
Cover Picture: Printed with kind permission of Ms Eugenija Kovaliova.
Liloko la Bulozi (Lyondo), ka SiAluyi:
Lyondo lyang’uwa lyasilila ng’eke, lya meyi bebi lya mulilo kule. Lyondo
nookuondomana sicima mungonda. Lyondo lyang’uwa kakukafela wa lishebo,
ibo kakuka kokwa wa ndala. Akufa ni mafa a Nyambe.
Ki kuli, ka SiLozi;
Bulozi naha yebubana, moo kulila mwanana, moo mezi afumanwa kai ni kai,
likota zona likwahule. Bulozi naha yekuzize, pilu imwa buiketo. Bulozi naha
yetumile, hakushwi mutu tala bo hakuna yailoopumbekwa kabaka la tala.
Yatimela utimela ka tato ya Mulimu.
Mulozi tona! “Wacila ng’umbili uekele mulipumo la nyoko”. Haiba usaba
mifilifili (kuitika) ukutele mwa mba ya maho; ki mona mokusina zekakukataza!
ii
Linaneho
Likepe
Makalelo------------------------------------------------------------------- v
Buitumelo ----------------------------------------------------------------- vii
Buineelo ------------------------------------------------------------------- ix
Tahiso --------------------------------------------------------------------- x
Kemelo ya Litaku ni Zeitusisizwe ------------------------------------- xi
Mabizo a SiLozi ---------------------------------------------------------- xii
Libuka za Lukumbu ------------------------------------------------------ xiv
Lisupo ka SiLozi----------------------------------------------------------- xvi
Litaluso ze manzwi ka SiLozi A — Z---------------------------------- 1-329
Kubala ka SiLozi: Lipalo (A) ------------------------------------------ 330
Nako (B) aa aaa. 330
Litopa za Mabizo a SiLozi: Zeshangelwa Kwapili (C) -------------- 331
Litopanyana (C1) -------------------------------------------------------- 332
Kekezeho ya Sitopa (C2) ----------------------------------------------- 333
Liadijekitibi (Tulokandina) (C3) -------------------------------------- 333
Sipeleta sa SiLozi (Alufabbeti) (C4) ---------------------------------- 334
Malena ba MaAluyana (C5) ------------------------------------------- 336
Pina ya Bulozi (C6) ----------------------------------------------------- 338
CASAS BOOK LIST 341
iii
Makalelo
Bukanyana ye “SiLozi-SiLozi Dikishinali” ki ya litaluso za manzwi a
SiLozi ka SiLozi. Ki buka yeng’olezwi bana ba sikolo babakena mwa litopa
za Giledi 3 kuya 12 mane ni bamwa likoleji ni liyunivesiti, lusalibali sicaba
sesiziba kubala SiLozi. Haki manzwi a SiLozi kaufela atalusizwe mo kono
ki a sikai feela atokwahala kutaluswa ka SiLozi kuli banana baazibe
habasweli kuituta puwo yahabobona ye ya SiLozi. Babahulu ni bona
bakafumana manzwi akabatusa mwa puwo ye. Manzwi amanca a lika zenca
ni ona asung’ilwe mwa dikishinali ye kuli puwo ihule luli.
SiLozi ki puwo yeitusiswa ki sicaba sakalulo ya naha ya Zambia. MaLozi ki
batu ba mishobo yebulela puwo ya mazwake a SiAluyi ni SiSutu. Kutalusa
ka butungi zateng’i ki musebezi okona kufeza lizazi mutumbi. Cwale ka
kuama zateng’i hanyinyani feela niukula mishobo yecwale ka ya Siluyi-ana
(SiAluyana) kutalusa lipuwo za mishobo yene ketuhile kwa SiAluyi ka
nako ya kutomwa kwa puso ya Mboo Mwanasilundu yena Muyunda
munyanaa Mwanambinyi.
Mboo ni Mwanambinyi neeli bamayopu kono Mboo natiiselize puwo ni
kuzwelapili kuba MuAluyi mwa Ngulu-ta-Yutoya. Haili Mwanambinyi
yena naicebuzi kufetuha MuAluyana ka mushobo wanaketuhile ni ona kuya
kwa Senanga. Batu bao bayoipiza “bang’i ba litapi” — Akwandi, “ndi” ki
linzwi la SiAluyi lelitalusa “tapi” mi ki kakubona bung’ata bwa litapi zeo
hanebaipizize “MaKwandi”. Ka cwalo likwatakwata za SiAluyana ze
zacincacinca kuba MaKwangwa, MaNyengo, MaLiuwa, MaKwamashi,
MaMbowe, MaNdundulu, MaHumbe, MaShanjo, MaKwamakoma,
Malmilangu, MaYeeyi, MaLukolwe, MaKwangali, MaFwe, MaSubiya,
MaToka, mane cwalo ni MaNkoya kufitela Mulambwa alamba MaMbunda-
shamuka mati abana ba MaAluyi tenyene kono inge ili ka nako yene base
bafetuhile MaLozi ka puwo.
Aluyi ni MaAluyana nebahapilwe ka 1826 kuya 1865, ki mushobo obizwa
MaFokeng’i ili oneubulela puwo ya SiSutu. SiSutu ki puwo yebulelwa ki
mishobo yeming’ata mwa Lisutu ni pulovinsi ya Natal ni libaka zeng’wi za
South Africa ni kacenu le.
Zakuhapwa kwa MaAluyi ki baana balitenda ni tukolotwi (litoho
zekolozwi) ni zona kulikala lizazi lalikela ni kupazula hape. Taba ya
butokwa feela fa ki kuli kuti MaAluyi nebabeile masole ba mpi yeo ya
litoho zekolozwi, libizo la MaKololo. Babang’wi bali linzwi leo nebaipeile
lona ka kuetelelwa ki musalaa mulenaabona yanaabizwa ‘Kololo’ ili yoo
nanyezwi ki Sibitwane mwa musipili wakuzwa Mboela wa Africa. Munali,
yena Dr. David Lingstone, ka 1850, ufumani Sibitwani inge abusa naha ya
MaAluyi ni MaAluyana. Kuama za libizo la MaKololo, O’Sullivan uli
sikwata sabona se babalehi ba, nesisina libizo mi nebatilobizwa cwalo ka
“kuikolola” kwa litoho ili lilumbatina lenelipaka cwalo (p. vi).
Linzwi la ‘MuLozi’ ni lona kuti lisimuluzwi ki bona mazwahule bao. Kuti
nebatilomakala kubona kuli batu ba, MaAluyi, nebakonile kuyaha liuba
zetuna ka mazoho ni kutoma fateng’i minzi. Ka SiSutu ni mishobo
yeming’wi ya SiNguni “MuRozwi” italusa “muyahi yomutuna” mi ki kaho
ni bayahi ba Great Zimbabwe nebabizizwe “Rozwis” ili kulumba buyahi
bwa mamota ao. Cwale ka kukomoka buyahi bwa MaAluyi, MaSutu bao
babashumwenena lilumbatina leo la “MaRozwi” ili linzwi lenebapalezwi
kutumusa bang’i bona MaAluyi ka kutokwa taku ya ‘r’ kiha baipiza
“MaLozi” ili kuamuhela ni kulumela tumbo yeo ya buyahi. Buniti bwa
simuluho ye buzwelela ku Induna Amwendende; Dr. M. Bull ni N.W.
Mwisiya mane cwalo ni Gluckman; A. Jalla; “Litaba za Sicaba sa MaLozi”.
Father O’Sullivan naamile fa buniti bo fa likepe la dikishinali yahae mi
naize, “The name may owe its origin to the Bahurutse, or to the Rozwi, of
Zimbabwe, peoples among whom Sibitwane had travelled,” (O’Sullivan,
1993: vii).
Cwale taba ye isupa kuli puwo ya SiLozi, kuzwelela foo ka nako ya
Mubukwanu ni Sipopa hasatuzi MaKololo, ineinze isweli kuhula. Ni fa
haning’ola buka ye ya manzwi ni litaluso zaona, nieza cwalo ka sepo ya
kuli niselaela mezi kwa sicalo sesihula seo ili yona puwo yetwi, SiLozi.
Silngilishi sa MalIngilishi sibile cwalo kakuli nesihula. Luna MaLozi
lutamehile kuekeza manzwi amanca alika zenca zetile sina kompyuta,
fakisi, DVD ni zeng’wi. “Pot” ki yona “poto” mi “tafel” ki yona “tafule” —
ki kuekeza cwale, sha. Ye ki Dikishinali mi ka silngilishi baibiza
Dictionary}.
Banabahesu, mina bana ba Mulambwa mwanaa Mbuywamwambwa, kupo
yaaka ki kuli halusinuheni mukwa wakuli SiLozi ki samina feela mi
hasicinci. Hakuna puwo yesa cinci. Hape MuBemba kapa MuTonga haiba
atabela kuituta ni kung’ola SiLozi, alumelezwe kueza cwalo ili kuli sicaba
siitute zenca. Manzwi acwale ka ‘mudaala’ kutalusa ‘mucembele’ ki
Vv
manzwi ali mwa SiLozi kacenu. MuLozi hakomoka kacenu wakona
kubulela kuli, “Bayaya kapa bakwetu, ze ki lika mang’i hape!” kono
“bayaya kapa “bakwetu” ki SiMbunda kapa SiLubale ka molisimuluhezi.
Nifeleleza ka linzwi la SiLozi kuama “upstairs” lelili “sitezi”.
Puwo kuhula ki mina bang’i kuihulisa ka kuineela kukalima manzwi ni
lipulelo kwa lipuwo za mishobo yeming’wi ya lifasi. Ki fona fa taba ye
fokusimuluhile takazo yaaka kuli ning’ole dikishinali ye ya SiLozi ka
SiLozi, shangwe. Nikalile kung’ola buka ye ka 1988 hane niluta fa Sikolo
Sesipahami sa Kaoma kono nenipalelwa kuihatisa bakeng’i sakutokwa
bahatisi bane batabela konji ka 2007 hanikopana niba CASAS.
vi
Buitumelo
Nitabela kufitisa buitumelo bobutuna hahulu kwa batu babang’ata ili bao
neniswalisani ni bona ka nako yene ninze ning’ola bukanyana ye.
Buitumelo bwapili buya ku bo Professor Kwesi Kwaa Prah babali
lisupanzila wa Centre for Advanced Studies of African Society — CASAS, ka
kunisusueza kung’ola dikishinali ye. Kung’ola SiLozi kutaata hahulu
kikaho niitumela ni kwa batusi baaka ili bo Penelope Matakala Silumesii.
Hape nisaitumela kwa lubasi lwaka ili ku mufumahali waaka Jessica
Nalukui ni bana baaka kaufela ka kunifa nako yakung’ola dikishinali ye.
Buitumelo bobuipitezi buya kwa katengonyana ka licaziba za puwo
kanekatomilwe ki ba CASAS kunyakisisa ni kubolosola likalulo zesikai
zeama pupeho ya dikishinali ye. Katengonyana ka nekanifile likuka zetuna
zakumamela ni kupeta pili buka ye isika hatiswa kale. Ka cwalo nifitisa
Felix Banda, kwa South Africa. Kwa baana ni basali babacukile mwa puwo
ba, nili; “kwisuu!” muyoyange. MaLozi baize; makabi kuyeuka ki mung’aa
ona kuayeula!
Kwa bang’oli ba libuka za mufuta ocwana, niitumela hahuluhulu ku
mubuleli yomuhulu wa Paris Missionary Society, Adolph Jalla, ili ka
“SiLozi-English Dictionary” yaka 1914, 1936 ni yakatiso ya ka 1982. Ki
yona dikishinali yekonile kunifa sikuka sakuli ni itike kung’ola ya SiLozi
ka SiLozi. Hape niitumela kubo Fr. Owen O’Sullivan ka mufuta wa
dikishinali yabona “English — SiLozi Dictionary” yaka 1993. Niitumela ni
kwa bang’ oli ba libuka zeng’wi za SiLozi zecwale ka “Bupilo bwa Sepo”
yabo Simataa Akapelwa. Haili kuama mung’olelo omunca wa SiLozi
nifilwe sikuka ki libuka zepeli ili, Ministry of Education (1977) Zambian
Languages Orthography ni yaba CASAS yetwi, A Unified Standard
Orthography for South-Central African Languages.
B.M. Mwendende
Lusaka, 2010
vii
Buineelo
Dikishinali ye niineela kwa bana ba MaLozi kaufela babatabela puwo
yabona ye. Banana, mikulwaani ni babahulu bakafumana tuso kuyona mi ka
cwalo niineela kubona kaufela kuli baitute ka kutala litaluso za manzwi a
SiLozi sebabulela se. “To you all I say, Language is like a plant, it grows!”
Vili
Tahiso
Ki buitumelo kufitisa dikishinali ye yefa litaluso za SiLozi ka SiLozi sina
ya Silngilishi haing’ozwi cwalo. Musebezi obapetile bo Mwendende ki
oipitezi kakuli cwale bang’oli ba libuka za misebezi ni zibo yeama SiLozi,
bakakona kuyendama kuyona dikishinali ye. Buniti ki kuli cwale manzwi
amanca aama lika zenca kuya ka nako yeluli kuyona ye ni ona akonile
kuipumana teng’i ili kuli misebezi ya bumapangapanga ni yona ikone
kung’olwa ka SiLozi. Manzwi acwale ka kompyuta, disiketi, pisitoni,
kilankishafuti, DVD, fakisi ni amang’wi akabe aitutilwe ni kuekeza kwa
manzwi a SiLozi.
Puwo ki nto yehula sina simela kapa sicalo. Nto yabutokwa ki kulemuha ni
kulumela kuli puwo ya mushobo ni mushobo ihula ka kukalima manzwi a
lipuwo zeng’wi sina mosihulezi Sikuwa sa Silngilishi, SiAilishi ni
SiKotishi. Mane hape Silngilishi sibile ni mifuta ya SiAmerica,
SiAusituloliya, SiNaijeria ni cwalocwalo. Kacenu mwa SiLozi sekuna ni
manzwi a bo poto (pot), botela (bottle), buka (book), waci (watch), jakete
(jacket), samende (cement), kona (corner), mapa (map), wili (wheel) ni
amang’wi akalimilwe kwa Sikuwa. Cwale fa ki nto yende dikishinali ye, ili
mufuta wapili, ya SiLozi ka SiLozi haikaba makalelo feela kuli babang’w i
ni bona bazwisezepili fobasiyezi bo Mundia Mwendende ni kung’ola libuka
za lituto za njimo, sayansi, bumapangapanga ni bumbuti ka SiLozi. Foo
mutu kaufela ukakona kuituta kulukisa mota kapa fulai ka kuitusisa SiLozi
ibe feela lituto zakueza cwalo halili ka SiLozi.
Baituti ba puwo mane ni bang’i bayona banolofalelizwe kufumana ka
bubebe litaluso za manzwi ao bakakanya. Hape puwo yaluna ina ni manzwi
ana ni litaluso zefapahana mwa maneku amang’wi a naha. Mubali
utafumana kuli zeo lilukisizwe mi hape utatabela kufumana kuli manzwi
aaluzwi tubindibindi kubonisa musebezi wa kabindi ni kabindi mwa linzwi.
Bo Mwendende habasikafa litaluso za manzwi feela kono bafile ni butungi
bwa tuto bobuiputezi mwa manzwi haitusiswa hande.
Namabanda Wamunyima Mundia
Lecturer
Head of Department, (Literature and Languages) - UNZA
