Венгры и карпаторусины. К 70-летию основания Чехословакии

35 Pages·0.767 MB·Russian

by  Магочи Поль Роберт.

427

Магочий, Пол Роберт

Мадяре и Карпаторусины
Ку 70-рочу закладин Чехословакии
Такой нараз, як Чехословакия появила ся сѣмдесят лѣт тому, политичны
озирателѣ пиловали зазначити, же в новом штатѣ явила ся, в дакотром
смыслѣ, маленька реплика бывшой многонародностной Австро-Мадяр-
ской империи. Наистѣ, окрем, ачей, Югославии, Чехословакия была най-
веце етнично скомпликованый штат Европы. Предметом сего зглядованя
суть два народы, Мадяре и Карпаторусины, наймя их внуторный розвой и
их поставеня ку Чехословакии от ей закладеня в 1918 року и доднесь.
Из 13 600 000 гражданов Чехословакии занотованых року 1921, Чехы
числом 6 747 000 чинили ледвы не половку жительства (49,6%), друга
половка ся дѣлила на такы народы: Нѣмцѣ (23,4%), Словакы (15%),
Мадяре (5,6%), Карпаторусины (3,5%), а иншы (Жиды, Полякы, Цигане
в’едно чинили 2,1%.1 Мадяре и Карпаторусины находили ся лем у
восточных землях републикы – Словакии и Подкарпатской Руси.2

1 Vaclav L. Beneš, "Czechoslovak Democracy and its Problems, 1918-1920," in Victor S.
Mamatey and Radomír Luza, eds. A History of the Czechoslovak Republic, 1918-1948
(Princeton, N.J., 1973), p. 40. Ту и дале числа закруглены до тысяч и до десятой части
процента. Треба уважати, же в Чехословакии урядна статистика до Другой свѣтовой
войны не розлучала Чехов и Словаков, лем их рубриковала яко Чехословаков.
«Чехословаков» у Богемии, Моравѣ, Шлезии и Подкарпатской Руси (Русинии) ту
подаеме яко Чехов, а у Словакии – яко Словаков. Что до Карпаторусинов, урядна
рубрикация ся мѣняла: Подкарпаторусы (Подкарпатскы Русины), Руськы (Русы и
Русины), а от року 1945 Украинцѣ, Русы и Русины. Числа, что ту и дале даеме, то тоты
вшиткы дов’една яко Карпаторусины (лем зрѣдка они сут в статистиках окреме), а в
иншых роботах они ся именуют даколи яко Рутены, Русины, Карпато-Русы и Карпато-
Украинцѣ.
2 Что до иншых частей републикы, народочисленя року 1921 подавать в Богемии, Мо-
равѣ и Шлезии лем 6 100 Мадяров и 3 300 Карпаторусинов; року 1931 11 600 Мадяров
и 11 100 Карпаторусинов. Beneš, "Czechoslovak Democracy," p. 40.
428

Року 1921 проценты Мадяров и Карпаторусинов были, очевидно,
векшы в сих восточных землях, сопротив цѣлоштатным. В Словакии
евидованы 637 000 Мадяров и 86 000 Карпаторусинов – отповѣдно 21,5%
и 2,9% жительства той землѣ. В Подкарпатской Руси отповѣдны числа
были 373 000 (62,1%) Карпаторусинов и 192 000 (17%) Мадяров.3 Геогра-
фично сѣ двѣ группы населяли етнично компактны ареалы; Мадяре на-
ходили ся в южных низинах Словакии и Подкарпатской Руси, а Карпа-
торусины в подгорю и горском теренѣ Подкарпатской Руси и сѣверо-
востока Словакии.
В зачатку того периода (1921) сесѣ двѣ группы в’едно числили ко-
ло 1 200 000 людей, циже 8,9% цѣлого обывательства Чехословакии. От
року 1945 через змѣну границь и ассимилацию число Мадяров и
Карпаторусинов наполы змалѣло (в року 1980 560 000 и 37 000,
отповѣдно), и в’едно они чинят лем 4,1% обывательства штату.4 Наперек
такым относно малым числам, обѣ группы зоставают, наслѣдком их стра-
тегичного географичного положеня и их родинства з народами сосѣдных
штатов, предметом серйозной политичной застараности такой в цѣлом
току сѣмох децений существованя Чехословакии.
Як и чом стали ся Мадяре и Карпаторусины частьов новозакладе-
ной Чехословакии? Скоро мы ту не правиме анализу формованя нового
чехословацкого штата, доста буде повѣсти, же его концевый вид был
оправданый историчныма и етнографичныма аргументами, хоть они сѣм-
там могут ся видѣти противорѣчивыми. Коли етнографичный аргумент
оправдовав злученя Словаками населеных районов з чешскыма землями
дале ку западу, то цѣлоплощно Мадярами населены регионы южной
Словакии прилучили ани на историчной, ани на етнографичной основѣ,
но про стратегичны цѣли: чехословацка делегация на Парижской мирной
конференции была пересвѣдчена, же "границя по Дунаю мать животное
значеня про Чехословацку републику," котра, "кедь точнѣйше, мусит
быти Дунайскым штатом."5 Что до Карпаторусинского края, тот нече-
каный "дарок" Чехословакия достала на жадость жиючых в З’единеных
Штатах иммигрантов з того края, хоть чешскы лидеры такой зазначили,

3 Beneš, "Czechoslovak Democracy," p. 40.
4 Ivan Bajcura, Cesta k internacionálnej jednotě (Bratislava, 1982), p. 27.
5 Из меморандума чехословацкого министра загранича Едварда Бенеша ку Парижской
мирной конференции, цитовано подля Ferdinand Peroutka, Budování státu, pt. 2: Rok
1919 (Prague, 1934), pp. 1103-5.
429

же и тота будуча Подкарпатска Русь (про границю з Румыниев) мать
стратегичное значеня.
История Мадяров и Карпаторусинов в Чехословакии даст ся
дѣлити на три добы: 1918-1938; 1938-1944; и от 1945 поднесь. Через
ограниченость мѣста ту мож описати лем в самых общых чертах
еволуцию сих двох групп и поровнати и противопоставити их розвой и
стан за тоты три добы.

Меживойня (1918–1938)

В первой добѣ, 1918-1938, дѣйствовала базова розлука межи пра-
вовым статусом Мадяра и Карпаторусина. Мадяре были, напримѣр,
националнов меншинов, на роздѣл от Чехов и Словаков (точнѣйше
"Чехословаков"), котры ся поважовали за доминуючый народ, и от
Карпаторусинов, котры мали специалный статус, найменше на восточном
краю републикы.
Меншиновый статус Мадяров быв о то веце сомнѣвный, же в
первых роках новой републики их статус як граждан Чехословакии
зоставав неясным.6 Накой Сен-Жерменскый договор (10. септ. 1919) дав
чехословацкое гражданство бывшым гражданам мадярской Словакии и
Подкарпатской Руси, котры легално жили в тых громадах "без потребы
даякых формалностей", далшый конституцийный закон Чехословакии (9.
апр. 1920) казав, же про зысканя гражданства автоматично чоловѣк мусѣв
быв законно жити ту перед роком 1910. А про тых, кто не мав легалное
бываня до того рока, чехословацкое правительство лишило собѣ право
рѣшати, ци суть они достойны достати гражданство.
Практично тот закон поднукав Мадяров в числѣ от 56 000 (бывшы
чиновникы) до 106 000 (кедь додаме роботников) емигровати на юг, в
повоенну Мадярщину. Тым зостали без гражданства в розличны рокы в
меживойню десь от 15 000 до 100 000 Мадяров в южном пасмѣ Словакии
и Подкарпатской Руси.7

6 Зложеный вопрос статуса Мадяров и нищивый вплыв безгражданства на особу рос-
смотреный в C. A. Macartney, Hungary and Her Successors: The Treaty of Trianon and Its
Consequences, 1919-1937 (Oxford, 1937), pp. 160-65.
7 Macartney, Hungary and Her Successors, pp. 158 and 164.
430

Зовсѣм иншое было положеня Карпаторусинов. Понеже не были
они штатотворным народом, як "Чехословакы", достали они специалный
статус, выкладеный в повоенных межинародных мирных договоренях
(Сен-Жерменскый договор, 10. септембер 1919), и тото пак записано до
чехословацкой конституции (29. фебр. 1920): "Территория Русинов на
югу от Карпат" буде "автономна единка" из "найвекшов мѣров само-
справы, не нарушуючов едноту чехословацкого штату."8 Серед авто-
номных прав належных краю, что мав достати имя Подкарпатска Русь (по
чешскы: Podkarpatská Rus), были его властный парламент, губернатор, и
"справедливое представительство" в парламентѣ Чехословакии.
Хоть правда, же специфика той автономии и даже границѣ Под-
карпатской Руси мали быти дале догваряны, зостае фактом, же край
Карпаторусинов став ся частев Чехословакии якраз зато, же быв
населеный группов славянов, котры з властной волѣ вступили до новой
републикы, зыскавши особый статус, котрый, хоть лем в их краю зробив
их веце подобными до "чехословацкой" штатной народности, як до
народностных меншин (Мадяре, Жиды, Нѣмцѣ, Ромы, Румыны), жиючых
межи нима.9
Циже Мадяре были классификованы як народностна меншина. По-
для Сен-Жерменского договора и тыж своей конституции Чехословакия
повиновала ся, же члены народностных меншин будут ровны з другыма
гражданами перед законом и мают право на школы в материнской речи.
В живой практицѣ, як пише конституцийный закон ч. 122 (29. фебр.
1920), то значило, же в судовых округах, де, хоть лем 20% жительства
належит языковой меншинѣ, тота меншина мать право на своем языку ся
обертати на суд и доставати отповѣдь. Кедь меншина чинит хоть лем 50%
жительства, тогды достане право, жебы цѣлый судовый процесс веденый
быв в языку меншины. Кедь сельска громада мала минимално 40 дѣтей
(раховано в просѣку за три рокы) або у варошу 400 дѣтей, тогды громада
або варош мали право на школу в языку меншины.10
Напримѣр, кедь говориме о Мадярах во Словакии, то в року 1934
они мали 741 сельску елементарну школу з 1 800 классами и з 91 500 уче-
никами. Тото значить, же 86,4% мадярскых дѣтей доставали елементар-

8 Traité entre les Principales Puissances Allies at Associées et la Tchécoslovaquie (Paris, 1919), pp. 26-27; "Ús-
tavní listina Československé republiky," in Sbírka zákonů a nařízení státu československého, pt. 26 (Prague,
1920), p. 256.
9 О специалном статусѣ Подкарпатской Руси в рамках Чехословакии поз. Zdeněk Peška, "Podkarpatská
Rus," in Slovník veřejného pravá československého, vol. 3 (Prague, 1934), pp. 107-15.
10 Macartney, Hungary and Her Successors, pp. 154-55 and 165.
431

ное образованя в материнском языку. Положеня мадяроязычных школ
поза селами не было натолько проспѣшное. У варошах было лем 15
елементарных мадярскых школ, так же лем 31% мадярскых учеников на
том уровни доставали образованя в материнском языку. На додаток до
елементарных школ мали Мадяре еще 5 гимназий, едну учительску
семинарию и параллелны классы в еще двох гимназиях и едной
учительской семинарии. Посему 72% мадярскых учеников на середном
уровни навщивовало школы в своей материнской речи. Сопротив того,
быв выразный недостаток техничного образованя в мадярском языку (2
земледѣлскы школы, една коммерчна академия, една торгова школа), и не
было жадной мадярской катедры на уровни высшой школы.11
Мадяре поважовали свое културное положеня в Чехословакии на
основѣ образователных можностей еще горшым от высшеподаных
статистик. Ку року 1934 число мадярскых елементарных школ, котрых до
войны было 2 200, омалѣло на двѣ третины. Не лем высша школа про
Мадяров была скасована, но и тым чехословацкым Мадярам, котры
отважили ся (часто з тяжкостями) выучити ся в Мадярской краинѣ,
дипломы не признавали ся, кедь они вернули ся дому. Такы представы о
видячой ся несправедливости в културѣ додавали вѣтру до бурѣ
политичной неволѣ Мадяров, котра нераз выражала ся в голосах за
партии, чии представители говорили часто о дефектах просвѣтной и
културной политики Чехословакии дотычно Мадяров.12
Независимо от реалной або поважованой чехословацкой политикы,
треба надголосити, же значна часть Мадяров просто не могли собѣ
представити, же они, бываючы географично так близко ку Будапешту, в
еден день ся найдут в иншой краинѣ, як Мадярщина. Навеце, и кедь они
трафили теперь под Чехословацку справу, то мало, бизовно, дочасный
характер, покы границѣ не будут перерисованы обы включити хоть лем
Мадярами обываны села и варошѣ, кедь не вшиткы в Словакии и
Подкарпатской Руси (традичну мадярску Верховину – Felvidék) аж до
хребта Карпат. Такое становиско было выречено в чехословацком парла-

11 Числа о тых параграфах суть зысканы из Macartney, Hungary and Her Successors, pp. 166-67. За векшыма
подробностями поз. Juraj Purgat, Od Trianonu po Košice: k maďarskej otázke v Československu (Bratislava,
1970), pp. 41-48.
12 О мадярском недовольствѣ в меживойню послѣдный куртый и кедь подагде перегнаный обзор поз.
chapter 2 of Charles Wojatsek, From Trianon to the First Vienna Arbitral Award: The Hungarian Minority in the
First Czechoslovak Republic, 1918-1938 (Montreal, 1981), pp. 31-44. Есть, правда, великое число тогочасных
античехословацкых брошур, что вышли з Мадярщины в меживойню, найвычернѣйша з них – то выданый
Мадярскым Сполком Ревизии Границь (Magyar Revíziós Liga) Memorandum Concerning the Situation of the
Hungarian Minority in Czechoslovakia (Budapest, 1934), а тыж от многых симпатизантов из загранича,
напримѣр, швайцарского географа Aldo Dami, Les Nouveaux martyrs: destin des minorités (Paris, 1930),
особенно pp. 145-208.
432

ментѣ уже тыждень по тому, як мадярскы посланцѣ присягли лоялность
Чехословацкой републицѣ. Обертаючи ся ку законодательной громадѣ –
розумѣе ся, по мадярскы – речник найвекшой в тот час мадярской Партии
Регионалных Христианскых Социалистов, посланець Lajos Ékes-Kör-
mendy повѣв:
Держиме за повинность информовати свѣтову думку, же мы были
против нашой волѣ силов отторгнуты от мадярского тѣла; отторгнуты от
найидеалнѣйшого тысячолѣтного Мадярского штату; и нашу притом-
ность ту [в чехословацком парламентѣ] не треба трактовати як отмѣтаня
факту потупеня нашых людскых прав, но радше як поданя живого и
поважного протеста против нелюдскых и несправедливых рѣшень о нас
без выслуханя нашой думкы.13
Очевидна недовольность Чехословакиев и передчутя даякой формы
будучой перемѣны границь было типовым про кажду мадярску по-
литичну партию в Словакии и Подкарпатской Руси в меживоенных роках.
Важнѣйшы з них были Всештатна Христианско-социалистична партия
(Országos Keresztényszocialista párt) и Мадярска народна партия (Magyar
nemzeti párt), котры року 1936 злучили ся в З’единену Мадярску партию
(Egyesült magyar párt) под водительством грофа Яноша Естергази (1901-
1957), Андора Ярошша (1896-1946) и Гейзы Сюллева (1873-1957). Сесѣ
чисто оппозицийны мадярскы партии зберали в просѣку коло половкы
голосов Мадяров в каждых парламентскых вольбах (1920, 1925, 1929,
1935), наколи позосталы Мадяре волили провладны Аграрну и Социал-
демократичну партии або Коммунистичну, котра была антивладна до
подписаня Совѣтско-Чехословацкого пакта в року 1935.14
Относны вартости тых политичных партий додадут нам, ачей, да-
котрого пониманя становиска мадярской меншины в меживоенной Чехо-
словакии. Бизовно, ядро мадярской сполочности перед Первов свѣтовов
войнов, зосталое в Чехословакии – землепаны, католицкы и протестан-
тскы духовникы (вѣроятнѣйше помадярены Словакы), мадярскы и пома-
дярены жидовскы правникы, учителѣ школ и друга дробна интеллиген-
ция и бывшы штатны урядникы – и надале не примирили ся з владов Че-
хословакии. Якраз они часто формовали веденя мадярскых партий.

13 Цитуеме подля J. Purgat, Od Trianonu po Košice, p. 68.
14 За подробностями о мадярскых партиях в меживоенной Чехословакии поз. J. Purgat, Od Trianonu po
Košice, pp. 60-126; E. Arató, Political Differentation in the Hungarian Population of Czechoslovakia in the Post-
World War I Years (Budapest, 1975); и P. Komora, Maďarské buržoázne strany na Slovensku (1919-1929) (Bra-
tislava, 1970) (=Zbornik filozofickej fakulty university Komenského: Historica).
433

Становиско мадярского селянства было тяжше зистити. Зачнѣм, же
селянство чинило очевидну векшину обывательства (65,4%), за ним про-
мысловы роботникы (16,9%), торговцѣ и финансеры (6,3%), цивилны
служебникы и фахманы (3,8%).15 На первое пониканя видѣло бы ся, же
даяка часть селян была спокойна з чехословацкым штатом. Поземкова
реформа, докончена зачатком 1920-х помогла передѣлити землю май
справедливо (79,8% великых поземков переже належали мадярскым
землепанам), и хоть безземляшѣ не все мали хосен з реформы.
Еще важнѣйша была чехословацка политика собѣстачного газдо-
ваня, котра хранила продуцентов зерна перед потенциално туншыма до-
везеныма потравинами. Выслѣдком было, же продукуючое пшеницю
южное приграничное пасмо, переже чисто мадярское, материално стояло
много лѣпше, як перед войнов, а рольникы, там жиючы, бизовно про-
сперовали сопротив их коллег Мадяров на другом боцѣ границѣ. А вшак,
як замерьковав Макартней при навщивѣ даколькых селянскых газдовств
року 1930, часто ся стрѣтив з такым настройом: "Стоиме под Чехами
лѣпше, як бы сьме были в Мадярщинѣ, но кедь прийде на голосованя, и
так волѣй выбереме Мадярщину."16 Такы становиска ся потвердили и при
волебных урнах в коммуналных вольбах року в юнию 1938, коли Естер-
газиева З’единена Мадярска партия достала 58% голосов в пасмѣ,
обываном Мадярами, найвысшый процент, якый антивладна партия
достала хотьколи в меживоенной добѣ.17
На роздѣл от мадярской меншины, котра активно ци пассивно
чекала на день, коли она уже дале не буде часть Чехословакии,
Карпаторусины, котры тыж хотѣли змѣны свого положеня и часто голо-
совали за антивладны партии, чинили так не прото, же были наклонены
подкопати чехословацкый политичный живот, але скорѣй зато, же они
щиро надѣяли ся вылѣпшити свою позицию в чехословацкой споло-
ченской системѣ, в котрой они важили обставати дале. Серед их по-
жадань было: (1) дефинованя территориалных границь Подкарпатской
Руси; и (2) имплементация автономии, гарантованой Карпаторусинам на
Парижской мирной конференции.

Что ся тыче границь, оригинална догода, досягнута в З’единеных
Штатах межи Томашом Масариком и карпаторусинскыма привандров-

15 J. Purgat, Od Trianonu po Košice, p. 48.
16 Цитовано подля С. А. Macartney, Hungary and Her Successors, p. 183.
17 Поз. таблицю от J. Purgat, Od Trianonu po Košice, p. 113.
434

никами (Скрентон, Пеннсилвания, 12. нов. 1918), а тыж декларация кар-
паторусинской едноты з Чехословакиев, выголошена в старом краю (Уж-
город, 8. май 1919), говорили о девятьох историчных жупах, загорнутых
до автономного "Русинского штату", включно найменше и до часу
повного вырисованя словацкорусинской границѣ сѣверных пасем Спиша,
Шариша и Земплина (Spíš / Szepes, Šariš / Saros, Zemplín / Zemplén) на
запад от рѣкы Уг. Видѣло ся, же тот принцип зостав захованый в Сен-
Жерменском договорѣ и чехословацкой конституции, коли ся говорило,
же вшиткы "землѣ Русинов на юг от Карпат" станут ся частьов едного
края, котрому мать быти придѣлена автономия.18
Бизовно, же в том часѣ никто ся не сомнѣвав, же в сѣверном пасмѣ
Спиша, Шариша и Земплина жиют Карпаторусины. А вшак миротворцѣ в
Парижу рѣшили зафиксовати рѣку Уг як западну границю Подкарпатской
Руси, и тото наступно было заховано в чехословацкой конституции як
дочасна границя межи двома краями. Моменталный протест, поднесеный
проводниками Карпаторусинов у Парижу, быв отбитый чехословацкым
министром загранича Едвардом Бенешом, котрый корректно зазначив, же
Словакы нигда не пристануть на тоту змѣну, понеже они уже нарѣкають
на то, же их границя не посунута дале на восток, обы загорнула
"словацкый варош" Ужгород. И наконець в року 1928, коли република
была административно реорганизована на четыре землѣ, границя межи
Подкарпатсков Русьов и Словакиев зостала дефинитивно зафиксована
поздовж линии, маленько ку западу от рѣкы Уг (веце або менше по
теперѣшной граници совѣтско-чехословацкой).
В реалности то значило, же в меживойню Карпаторусины мали бы-
ти роздѣлены по двох землях. Тоты, что жили в бывшых жупах Уг (Uh /
Ung; лем часть на восток от рѣкы Уг), Берег, Мараморош и Угоча (Bereg,
Marmaroš / Máramaros, a Ugoča / Ugocsa), числом 372 000 в року 1921 –
были в теоретично автономной Подкарпатской Руси; а тоты, что жили на
запад от рѣкы Уг в западном Угу, Земплинѣ, Шаришу, Спишу, Абовѣ и
Гемеру, числом 86 000 в року 1921 – были в Словакии.
Такое административное роздѣленя вплыло и на статус тых двох
групп. Карпаторусины в Подкарпатской Руси мали фактичну штатну на-

18 За подробностями карпаторусинско-чешскых догварянь в З’единеных Штатах и Парижу, а
тыж о вывою в старом краю концьом 1918 – зачатком 1919 поз. Paul Robert Magocsi, The
Shaping of a National Identity: Subcarpathian Rus', 1848-1948 (Cambridge, Mass., 1978), pp. 76-102;
и Іван Ванат, Нариси новітньої історії українців Східної Словаччини, vol. 1:1918-1938 (Brati-
slava и Prešov, 1979), pp. 46-102.
435

лежность, их языковы и културны институции были респектованы як
представительства той землѣ. На другой сторонѣ, Карпаторусины в сѣве-
ровосточной Словакии были лем народностнов меншинов, чии права бы-
ли гарантованы лем до той мѣры, котра сповняла общы предписы о мен-
шинах, жиючых в Словакии.
Зохабена найвеце зо трьома четвертинами карпаторусинского обы-
вательства Чехословакии, земля Подкарпатска Русь и ей политичное ве-
деня не мали успѣх ани в досягнутю другого жаданя – автономии. Зась,
Сен-Жерменскый договор говорив конкретно о "повном ступню автоно-
мии, не нарушаючом едноту чехословацкого штату."19 А вшак вопрос,
якый буде тот ступень, мав быти рѣшеный централным урядом в Празѣ.
Карпаторусинскы надѣи дотычно автономии были опредѣлены в
З’единеных Штатах в току зачаточных догварянь межи Масариком и реч-
ником америцкых иммигрантов Карпаторусинов Григорием Жатковичом
на схылѣ року 1918, а пак еще раз в актѣ злукы, доконченом в Ужгородѣ
в маю 1919. Там и наслѣдно в Празѣ, коли подкарпатскы переднякы стрѣ-
тили ся з президентом Масариком, было зробленое ясное откликаня на
"Русинов, котры хочут сформовати независимый штат в Чехо-Словако-
Руськой Републицѣ."20 Великый притиск быв кладеный на то, же "во
вшиткых административных и внуторных дѣлах Угро-Руськый штат буде
независимый."21 Америцкый подданый Жаткович, котрый формуловав
векшину жадань, очевидно представляв собѣ, же Подкарпатска Русь буде
подобна штату в З’единеных Штатах. Чехословацка реалность была,
вшак, далека от такого образа автономии.
И Сен-Жерменскый договор, и чехословацка конституция згодно
говорили о губернаторѣ и соймѣ в Подкарпатской Руси. А вшак сойм так
и не быв скликаный, а карпаторусинскый губернатор хоть и мав свой
уряд, его авторитет фактично быв ниякый, бо административны вопросы
были в руках вице-губернатора, котрого именовала пражска влада. Як
резултат, медовы днѣ межи политичныма передняками Карпаторусинов и
новым штатом Чехословакии росплыли ся зовсѣм скоро. Уже в марцу
1921 первый губернатор края, карпаторусинскый Америчан Григорий

19 Traité entre les Principales Puissances, p. 27.
20 Протокол Централной Русинской Народной Рады в Ужгородѣ, засѣданя 16. мая 1919, цитова-
но подля Magocsi, Shaping of a National Identity, p. 99.
21 Magocsi, Shaping of a National Identity, p. 99.