2015-ъи илдя малиййяляшян лайищяляр

508 Pages·2016·26.17 MB·Turkish

Azәrbaycan Respublikasının
Prezidenti yanında Qeyri-Hökumәt
Tәşkilatlarına Dövlәt Dәstәyi Şurası
2015-ъи илдя
малиййяляшян
лайищяляр
“QHT Nәşriyyatı”
Bakı – 2015
Azərbaycan Respublikasının Prezidenti yanında Qeyri-Hökumət
Təşkilatlarına Dövlət Dəstəyi Şurası. 2015-ci ildə maliyyələşən
layihələr. Bakı, “QHT Nəşriyyatı”, 2015, 508 səh.
Kitabda Azərbaycan Respublikasının Prezidenti yanında Qeyri-Hökumət
Təşkilatlarına Dövlət Dəstəyi Şurasının 2015-ci ildə maliyyələş dir diyi layihələr
haqqında qısa məlumat verilib. Şura əməkdaşlarının apardığı monitorinqlər və
QHT-lərin təqdim etdiyi hesabatlar əsasında hazırlanmış bu məlumatlar layihə
məqsədlərini, layihə çərçivəsində həyata keçirilmiş tədbirləri və əldə edilmiş
nəticələri əks etdirir.
ISBN 9789952-55-120-05
© Azərbaycan Respublikasının Prezidenti yanında
Qeyri-Hökumət Təşkilatlarına Dövlət Dəstəyi Şurası, 2015
Azәrbaycanda bütün demokratik tәsisatlar uğurla fәaliyyәt
göstәrir, ölkәdә bütün azadlıqlar - söz azadlığı, siyasi fәaliyyәt
azadlığı, mәtbuat azadlığı, sәrbәst toplaşma azadlığı, vicdan-
din azadlığı tәmin edilir, vәtәndaş cәmiyyәti uğurla inkişaf edir.
İlham Әliyev
Azәrbaycan Respublikasının Prezidenti
ÖN SÖZ
Bu kitab Azərbaycan Respublikasının Prezidenti yanında Qeyri-Hökumət Təşkilatlarına Dövlət
Dəstəyi Şurasının 2015-ci ildə maliyyələşdirdiyi layihələr haqqında qısa məlumatları özündə əks
etdirir. Məlumatlar Şuraya təqdim olunmuş QHT hesabatları, eləcə də Katiblik əməkdaşlarının ke-
çirdiyi montorinqlər əsasında hazırlanıb.
2015-ci ildə Şuranın dəstəklədiyi layihələr uğurla başa çatmışdır. Ölkə QHT-lərinin layihələrinə
dövlət dəstəyi Azərbaycan Respublikasının Prezidenti cənab İlham Əliyevin 27 iyul 2007-ci il
tarixli sərəncamı ilə təsdiq edilmiş “Azərbaycan Respublikasının qeyri-hökumət təşkilatlarına dövlət
dəstəyi Konsepsiyası”na uyğun şəkildə həyata keçirilmişdir. Hər il olduğu kimi 2015-ci ildə də Şura
QHT layihələrinin mövzu müxtəlifliyi və fəaliyyət spektrinin genişliyi üçün əlverişli imkanlar ya-
ratmışdır. Müsabiqə mövzuları öncə Bakıda və ölkənin müxtəlif regionlarında QHT-lər tərəfindən
müzakirə edilmiş, onların ictimai aktuallıq səviyyəsi müəyyənləşdirilmişdir. Birinci maliyyə yardımı
müsabiqəsində QHT-lərə təklif olunmuş mövzular əsas etibarilə bu istiqamətləri əhatə etmişdir:
•insan hüquqları və demokratiya məsələləri; ictimai vəkillik və əmək hüquqları; insan alve-
rinə qarşı mübarizə; məhkumluqdan azad olunmuş insanların reabilitasiyası; Milli Məclis tərə-
findən qəbul edilmiş yeni qanunların təbliği;
•korrupsiya və rüşvətxorluqla mübarizədə vətəndaş fəallığının artırılması; mədən sənaye-
sində şəffaflığın gücləndirilməsi; dövlət qurumlarında əhalinin müraciətlərinə baxılmasının
monitorinqi;
•KİV və sosial şəbəkələrdə milli təhlükəsizliyə xələl gətirən informasiyaların yayılmasının
qarşısının alınması; milli-mənəvi dəyərlərin qoruması; müxtəlif mədəni və dini dünyagörüşə
malik qrupların vahid vətəndaş cəmiyyətinə inteqrasiyası;
•Şimali Amerika və Avropa İttifaqı ölkələrində Ermənistan-Azərbaycan, Dağlıq Qarabağ
münaqişəsilə bağlı tədbirlərin həyata keçirilməsi; xarici ölkələrin kütləvi informasiya vasitələ-
rində Azərbaycanla bağlı yazıların dərc olunması; xalqımıza qarşı törədilmiş soyqırımlarının
dünyada tanıdılması və bu sahədə müxtəlif məlumat bazalarının yaradılması;
•ətraf mühit və sağlamlığın qorunması; əhaliyə səhiyyə xidmətinin keyfiyyətinin yüksəldil-
məsi təşəbbüsləri; qida təhlükəsizliyi; ahıl, tənha, əlil və sağlamlıq imkanı məhdud olan insan-
ların məişətinin yaxşılaşdırılmasına yardım; şəhid ailələri və Qarabağ müharibəsi veteranlarının,
qaçqın və məcburi köçkünlərin sosial problemlərinin həllində dövlət qurumlarına ictimai dəstək;
təhsilin və sahibkarlığın inkişafına yönəlik təşəbbüslər;
•QHT-bələdiyyə əməkdaşlığı; kənd turizminin və yeni sosial xidmət sahələrinin inkişafı;
aztəminatlı ailələrin məşğulluğunun artırılması; yeniyetmə və gənclərin asudə vaxtının təş-
kili və s.
Şuranın iyul ayında elan etdiyi 2-ci maliyyə yardımı müsabiqəsi əsasən 2015-ci ilin noyabr
ayında Milli Məclisə keçirilən seçkilərlə bağlı mövzuları əhatə etsə də, ictimai əhəmiyyətli digər
təşəbbüslərin də reallaşdırılması üçün faydalı layihələrin yerinə yetirilməsinə imkan yaradıb.
4
İl ərzində elan edilmiş maliyyə yardımı müsabiqələrində yerli QHT-lərin 513 layihəsinə Şura
tərəfindən ümumilikdə 4 750 664 AZN büdcə vəsaiti ayrılmışdır. Yerinə yetirilmiş layihələr çərçi-
vəsində 1314 təlim, 788 seminar keçirilmiş, 48 kitab, 22 broşür, 160 buklet, 148 digər materiallar
nəşr edilmiş, 18 film, 18 sayt, 12 sosial çarx, 39 televeriliş hazırlanmışdır.
Reallaşdırılan layihələr üzrə 847 nəfər əməkhaqqı almışdır. Layihələr çərçivəsində keçirilmiş
təlimlərdə 31000, seminar, konfrans, dəyirmi masa və digər belə tədbirlərdə isə 41000-dən artıq
vətəndaş iştirak etmişdir. Yerli QHT-lər 18 xarici ölkədə Ermənistan-Azərbaycan, Dağlıq Qarabağ
münaqişəsilə bağlı tədbirlər keçirərək Azərbaycan həqiqətlərini dünya ictimaiyyətinə çatdırmağa
nail olmuşlar.
Lakin QHT-lərin fəaliyyətindəki uğurlarla yanası, bir sıra qüsurları da qeyd etmək vacibdir.
Belə ki, müqavilə öhdəliklərinə tam əməl etməmiş 172 təşkilatdan 58 000 AZN vəsait tutulmuş, 6
təşkilata isə qrantın 2-ci tranşının ödənilməsindən imtina edilmişdir. Bütövlükdə Şura qənaət edilmiş
337 431 AZN vəsaitin ilin sonunda dövlət büdcəsinə qaytarılması haqqında qərar qəbul etmişdir.
Son illər olduğu kimi, bu il də Şura bütün QHT layihələrini yalnız elektron formatda
www.e-qht.az resursu vasitəsilə qəbul etmiş və şəffaflığın təmin edilməsi üçün həm daxil olmuş
layihələr, həm də müsabiqənin yekunları ilə bağlı bütün məlumatları www.qhtxeber.az və
www.cssn.gov.az saytlarına yerləşdirmiş, eləcə də ölkə mətbuatına açıqlamışdır.
2015-ci ildə Şuranın xarici ölkə QHT-lərinin də layihələrini dəstəkləməyə davam etdiyini
bildirmək vacibdir. ABŞ, Belçika, İtaliya, Moldova və Fransa QHT-lərinin icra etdiyi 7 layihəyə
Şura tərəfindən 504 679 AZN vəsait ayrılmışdır. Bu layihələrdə Azərbaycan həqiqətləri, Azər-
baycan mədəniyyəti təbliğ edilmiş, Xocalı soyqırımı, eləcə də ermənilərin işğalı altında olan tor-
paqlarımızda törədilən vandalizm aktları haqqında dünya ictimaiyyəti xarici QHT-lər vasitəsilə
məlumatlandırılmışdır.
Şuranın hazırladığı və 2013-cü ildə Milli Məclis tərəfindən qəbul olunmuş “İctimai iştirakçılıq
haqqında” Azərbaycan Respublikası Qanununun tətbiqi ilə bağlı qeyd etmək lazımdır ki, mərkəzi
və yerli icra hakimiyyəti orqanlarında, o cümlədən yerli özünüidarəetmə strukturları yanında məş-
vərətçi qurum statuslu ictimai şuraların yaradılması prosesi uğurla davam edir. Bu şuraların yaran-
ması idarəetmədə vətəndaş iştirakçılığını və qərarların qəbul edilməsində şəffaflığı artırır, bütövlükdə
vətəndaş cəmiyyətinin inkişafına böyük töhfə verir.
Son dövrlərdə donorların Azərbaycandakı fəaliyyətinin ölkə qanunlarına uyğun olaraq tən-
zimlənməsi, eləcə də dövlət orqanları tərəfindən qeyri-hökumət təşkilatlarına qrant verilməsinin
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi
Şurası ilə razılaşdırılması qaydasının cənab Prezident İlham Əliyevin 21 oktyabr 2015-ci il tarixli
652 saylı fərmanı ilə təsdiq edilməsi Şuranın üzərinə yeni vəzifələr və əlavə məsuliyyət qoyur.
Bu vəzifələrin layiqincə yerinə yetirilməsinin mühüm göstəricilərindən biri də icra edilən layi-
hələrin effektivliyinin artırılması və sosial-mədəni sahədə irəli sürülən dövlət təşəbbüslərinə ic-
timai dəstəyin gücləndirilməsidir. İnanırıq ki, Şura bütün ölkə QHT-ləri ilə birlikdə bu vəzifələrin
öhdəsindən layiqincə gələcək.
Azay Quliyev
Azərbaycan Respublikasının
Prezidenti yanında Qeyri-Hökumət
Təşkilatlarına Dövlət Dəstəyi Şurasının sədri
5
Azərbaycan Milli Qeyri-Hökumət Təşkilatları Forumu
QHT-lərə institusional inkişaf sahəsində
xidmətlərin göstərilməsi
Layihə rəhbəri Zeyni Rauf Xurşud oğlu
Layihə müddəti: fevral-sentyabr
Layihənin məqsədi Milli QHT Forumunun üzvü olan QHT rəhbərləri və personalın
professional idarəetmə qabiliyyətinin artırılması üçün onlara institusional yardımı təşkil
etməklə ölkədə vətəndaş cəmiyyəti institutlarının inkişafına nail olmaq, milli QHT-lərin
hökumət, yerli və beynəlxalq donorlar, bələdiyyələr, özəl sektor, mətbuat və informasiya
agentlikləri ilə əlaqələrinin möhkəmlənməsinə kömək etməkdir.
Tədbirlər: Layihə çərçivəsində Bakı QHT Resurs və Təlim Mərkəzinin fəaliyyəti
gücləndirildi. “Turk refugees (1914-1918th years)” (“Türk qaçqınları (1914-1918-ci
illər)”) adlı kitabın təqdimat mərasimi, Mirzə Ələkbər Sabir Fondunun təşkilatçılığı ilə
“Azərbaycan ədəbi dilinin tətbiqi qüsurlarının monitorinqi” layihəsinin təqdimatı, Milli
QHT Forumu (MQF) Gənclər departamentinin təşkil etdiyi silsilə təlimlər keçildi. TİKA-
nın təşkilatçılığı ilə “H.Z.Tağıyev xeyriyyə proqramı” çərçivəsində “Türkiyə beynəlxalq
əməkdaşlığı” mövzusunda on günlük təlimlər təşkil olundu. Həmçinin, Vətəndaşların
Əmək Hüquqlarını Müdafiə Liqasının “Əmək münasibətlərinin rəsmiləşdirilməsi” təlim-
lərinə, MQF-nin Milli Mətbuatın 140 illiyi ilə bağlı konfransına və digər ictimai tədbir-
lərin reallaşmasına dəstək verildi.
Nəticə:MQF-nin xidmətlərindən 120-dən çox QHT, 5-dən çox beynəlxalq donor təş-
kilatı, 200-dən çox könüllülük prinsipi əsasında fəaliyyət göstərən tələbə-gənclər və QHT-
lərin fəaliyyətlərinin işıqlandırılması yolunda fəaliyyət göstərən 30-dan çox KİV
nümayəndəsi, MQF üzvləri və mərkəzlər yararlanmışlar. MQF üzvlərinin elekron məlu-
mat bazası yeniləndirilərək www.mqf.azsaytına yerləşdirilmişdir.
6
Hemofiliyalı Xəstələrin Respublika Assosiasiyası
Hemofiliyalı uşaqlara psixo-sosial və fizioterapevtik
xidmət üçün reabilitasiya mərkəzinin təşkili
Layihə rəhbəri Hüseynova Gülnarə Alxas qızı
Layihə müddəti: may-dekabr
Layihənin məqsədi hemofiliyalı
uşaqlarda əlilliyə erkən müdaxilə
edərək, hemofiliya xəstəliyinin fə-
sadlarının nəticələrinin aradan qaldı-
rılması üçün reabilitasiya tədbirlərini
həyata keçirməkdir.
Tədbirlər: 112 hemofiliyalı
uşağın hərəkət-dayaq sistemində
olan fəsadları qiymətləndirilərək
ağırlıq dərəcələri müəyyənləşdirilib
individual yanaşma ilə hər xəstəyə
beynəlxalq standartlara əsaslanan
psixo-sosial və fizioterapevtik reabi-
litasiya proqramı tərtib edilmişdir.
Hər xəstəyə 21 günlük reabilitasiya
proqramı hazırlanmışdır. Hər 21
gündən bir 8-10 hemofiliyalı xəstə
uşağa reabilitasiya proqramı çərçivə-
sində psixo-sosial və tibbi xidmət
göstərilmişdir.
Nəticə: Mərkəzdə 83 nəfər uşaq
xidmətlərdən faydalanaraq yataq reji-
mindən fəal həyata qayıtmışdır. Onlar
cəmiyyətdəki bütün proseslərdə fəal
iştirak etmək iqtidarında olacaqlar.
Mərkəzdə hemofiliyalı uşaqlarda əlil-
liyə erkən müdaxilə edilərək, hemofi-
liya xəstəliyinin fəsadlarının aradan
qaldırılması üçün reabilitasiya tədbir-
ləri həyata keçirilmişdir.
7
Àçÿðáàéúàí Ðåñïóáëèêàñûíûí Ïðåçèäåíòè éàíûíäà Ãåéðè-Ùþêóìÿò Òÿøêèëàòëàðûíà Äþâëÿò Äÿñòÿéè Øóðàñû
Vətəndaşların Əmək Hüquqlarını Müdafiə Liqası
Əmək münasibətlərinin rəsmiləşdirilməsi məsələləri:
hüquqi və metodiki yardımların göstərilməsi
Layihə rəhbəri Məmmədov Sahib Məlik oğlu
Layihə müddəti: aprel-oktyabr
Layihənin məqsədi kommersiya və qeyri-kommersiya qurumlarında əmək münasi-
bətlərinin rəsmiləşdirilməsi sahəsində əməkdaşların bilik və bacarıqlarının artırılması
yolu ilə onların fəaliyyətinin qanunvericiliyə uyğunluğunu təmin etmək, bununla da əmək
hüquqlarının təmin olunmasına dəstək verməkdən ibarətdir.
Tədbirlər: Bakı şə-
hərində və regionlarda
fəaliyyət göstərən (online
və telefonla) QHT və
digər vətəndaş cəmiyyəti
təsisatlarına məsləhət və
hüquqi yardımlar göstə-
rilmiş, sənəd nümunələri,
maariləndirici vəsaitlər
hazırlanmış və müxtəlif
yollarla (e-mail vasitə-
silə, çap versiyada təlim
iştirakçılarına paylan-
maqla və 400 nüsxə CD
versiyada hazırlanmaqla) maraqlı tərəflərə təqdim edilmişdir. Facebook sosial şəbəkə-
sindəki qruplarda sorğu-sual və şərhlər təşkil edilmişdir. QHT-lər üçün 1 günlük təlim
təşkil edilmişdir.
Nəticə: 500-dən artıq QHT müxtəlif vasitələrlə məsləhət almış, 16 QHT üçün bir
günlük təlim təşkil edilmişdir. QHT nümayəndələrinə əmək müqavilələri, mülki-hüquqi
müqavilələr və könüllü fəaliyyətlə bağlı müqavilələrin bağlanması haqqında biliklər və
zəruri materiallar verilmişdir. Metodiki vəsait hazırlanaraq CD versiyada çoxaldılmış və
paylanmışdır. Bu vəsait QHT-lərin idarə edilməsinə ciddi töhfə olmuşdur.
8
2015-úièëäÿ ìàëèééÿëÿøÿí ëàéèùÿëÿð
Azərbaycan Qaçqınlar Cəmiyyəti İctimai Birliyi
1988-1992-ci illərdə Ermənistandan qovulmuş
qaçqınların sosial problemlərinin müəyyənləşdirilməsi,
monitorinqi və bu problemlərin həlli mexanizmlərinə
dair təkliflərin hazırlanması
Layihə rəhbəri Ələkbərli Əziz
Layihə müddəti: aprel-oktyabr
Layihənin məqsədi 1988-1992-ci illərdə Ermənistandakı ata-baba yurdlarından qo-
vulmuş, Azərbaycan Respublikasının müxtəlif bölgələrində məskunlaşmış qaçqınların
sosial vəziyyətini və problemlərini müəyyənləşdirmək və onların həllinə dəstək olmaqdır.
Tədbirlər:Bakı, Sumqayıt, Gəncə şəhərlərində, Quba, Xaçmaz, Şabran rayonlarında
qaçqınlarla fərdi və qpup halında görüşlər keçirilmiş, onların sosial problemlərinin müəy-
yənləşdirilməsi istiqamətində iş aparılmış, monitorinqin nəticələri ümumiləşdirilmiş,
problemin həlli ilə bağlı təkliflər paketi hazırlanmış, Azərbaycan, rus, ingilis dillərində
buklet çap olunmuşdur.
Nəticə: Layihənin icrası prosesində tarixi torpaqlarımız, qaçqınlıq zamanı orada baş
verən hadisələr, insan taleləri ilə bağlı xeyli dərəcədə əlavə məlumatlar və materiallar
toplanmışdır. Monitorinqin nəticələri və qaçqınların sosial problemlərinin həlli ilə bağlı
hazırlanmış təkliflər paketi müxtəlif xarici dillərdə nəşr edilib yayılmışdır.
9
Àçÿðáàéúàí Ðåñïóáëèêàñûíûí Ïðåçèäåíòè éàíûíäà Ãåéðè-Ùþêóìÿò Òÿøêèëàòëàðûíà Äþâëÿò Äÿñòÿéè Øóðàñû
Beynəlxalq Avrasiya Mətbuat Fondu
Azərbaycanda xarici jurnalistlərin iştirakı ilə tolerantlıq
mövzusunda beynəlxalq forumun keçirilməsi
Layihə rəhbəri Mirzəyev Umud Rəhim oğlu
Layihə müddəti: iyun-sentyabr
Layihənin məqsədi dünyanın müxtəlif ölkələrindən dəvət olunan qonaqları, jurnalist-
ləri və ekspertləri Azərbaycandakı tolerantlıq ənənələri ilə daha yaxından tanış etməkdir.
Tədbirlər:Layihə çərçivəsində “Park Inn” hotelində dəvət olunmuş xarici qonaqla-
rın, dövlət rəsmiləri və ictimaiyyət nümayəndələrinin, ölkədəki müxtəlif dini konfessiya
rəhbərləri və təmsilçilərinin iştirakı ilə beynəlxalq forum keçirildi. Tədbirdən sonra qo-
naqlar Quba, Qəbələ və Şəki rayonlarına səfər edərək oradakı ayrı-ayrı dini icmaların işi,
əhalinin güzəranı ilə tanış oldular. Səfər zamanı qonaqlar Quba Soyqırımı Memorial
Kompleksinə, Şəki Xan Sarayına və bir sıra digər tarixi məkanlara da baş çəkiblər.
Nəticə: Layihə çərçivəsində keçirilən forum sülhün, tolerantlığın, azad, bərabər və
birgə yaşayışın, həmçinin milli münaqişələrin həllinin vacibliyinin geniş ictimaiyyətə
çatdırılmasında önəmli rol oynadı. Müxtəlif ölkələrdən olan görkəmli jurnalist və dini
ekspertlərin layihədə iştirak etməsi Azərbaycandakı tolerantlıq modelinin bütün dünyaya
təqdim olunmasında mühüm rol oynadı.
10