Fîzîk. Amadeyî 2

136 Pages·7.17 MB·Kurdish

by  coll.

FÎZÎK
AMADEYÎ
2

2019/2020

AMADEKAR

Ev pirtûk ji aliyê:
Komîteya Fîzîkê
ve hatiye amadekirin.

LÊVEGER

- Komîteya Şopandinê

- Komîteya Fotoşopê

- Komîteya Redekteyê

Ev pirtûk ji aliyê Saziya Minhacan ve, wek
pirtûka wanedayînê, ji bo dibistanan hatiye

pejirandin.

NAVEROK

BEŞA YEKEM ............................................. 7
HÊZA ZEMBEREKÊ ......................................... 9
TEVGERA ZIVIRÎNÊ ....................................... 21
ROKÊT (MÛŞEK) .......................................... 37
BEŞA DUYEM .................................... 47
KAPASÎTOR ................................................. 49
HERIKÎNA ELEKTRÎKÊ Û ZAGONA OMÊ ....... 67
BANDORA MAGNETÎZÊ LI HERIKÎNA
ELEKTRÎKÊ ................................................... 85
ARANDINA ELEKTROMAGNETÎZÎ ............... 101
BEŞA SÊYEM ............................................ 111
FIREHBÛNA TÊHNÎ JI HEYBERÊN HIŞK RE .. 112
FIREHBÛNA HEYBERÊN RON BI TÊHNÊ ..... 112
TAYBETIYÊN AVÊ ....................................... 112

BEŞA YEKEM

TEVGER

Waneya Yekem: Hêza Zemberekê
Waneya Duyem: Tevgera Zivirînê
Waneya Sêyem: Rokêt (Mûşek)
 ARMANCÊN BEŞÊ:

Piştî ku xwendekar xwendina vê beşê
bi dawî bike, dê fêrî van xalan bibe:

1- Hêza zemberekê û tevgera wê.

2- Gewdeyê nerm û hêza nermbûnê.

3- Xweciha hişkbûna zemberekê.

4- Teoriya Hoygêns.

5- Teoriya enrjiya tevgerî.

6- Mûşek û tevgera wan.

7- Bi karanînên tevgera mûşekan.
WANE 1

HÊZA ZEMBEREKÊ

Tevger:
Dema ku gewdeyek di taqaleyekê yan jî di valahiyê de, ji
cihekî diyar heta cihekî din, ji ber encama bandora hêzên
derveyî yan jî hêzên hundirîn, di demeke diyar de tê
guhertin, tevger çêdibe.
Zemberekeke nerm, dirêjahiya wê 𝒍 bi awayekî asoyî
hatiye daliqandin û di dawiya wê de, gewdeyek, senga wî
𝐦 heye. Di vê demê de zemberek, vedizile û dirêjtir dibe,
lê dema ku gewde bê rahêştin, zemberek, vedigere rewşa
xwe ya berê.

Her gewdeyê ku bi bandora hêzeke derveyî, guhartineke
demkî di teşeya wî de çêbibe, lê bi rakirina vê hêzê re,
gewde vedigere teşeya xwe ya resen, jê re gewdeyê
nerm tê gotin.